កាសែតអង់គ្លេសមួយបានចោទប្រទេសជប៉ុនថា បានសូកប៉ាន់ប្រទេសដែនកោះតូចៗនៅក្នុងតំបន់ប៉ាស៊ីហ្វិក ដើម្បីឲ្យប្រទេសទាំងនោះជួយគាំទ្រនូវ កិច្ចប្រឹងប្រែងរបស់ជប៉ុនប្រយោជន៍ឲ្យមានការលុបចោលការហាមឃាត់ដែលមាន រយៈ ពេល ២៤ឆ្នាំ ទៅលើការនេសាទត្រីបាឡែនដើម្បីធ្វើ ពាណិជ្ជ កម្ម។
កាសែត The Sunday Times របស់អង់គ្លេស និយាយថា ខ្លួនមានភស្តុតាងដែលបង្ហាញថាមន្រ្តីមកពីកោះ Mashall និង Kiribati បានពិភាក្សាគ្នាអំពី ការលក់សន្លឹកឆ្នោតរបស់ពួកគេ នៅក្នុងគណៈកម្មាការនេសាទត្រីបាឡែនអន្តរជាតិ។
កាសែតនោះបានអះអាងថា ប្រទេសជដែនកោះទាំងនោះបានបោះឆ្នោតយល់ស្របជាមួយក្រុមដែលគាំទ្រការនេសាទត្រីបាឡែន ដោយសារប្រទេស ទាំងនោះបានទទួលជំនួយពីប្រទេសជប៉ុន ដែលរួមមានទាំងប្រាក់ ឬ ក៏ស្រ្តីបម្រើសេវាកម្មផ្លូវភេទ។
ប៉ុន្តែក្រសួងការបរទេសជប៉ុនបានបដិសេធការចោទទាំងនោះ ដោយនិយាយថា ប្រទេសជប៉ុនមិនបានចំណាយទៅឲ្យប្រទេសជាសមាជិករបស់ គណៈកម្មការ នេសាទត្រីបាឡែនអន្តរជាតិនោះឡើយ។
កាសែតអង់គ្លេសនោះនិយាយថា ប្រទេសដែលគេចោទថា បានទទួលសំណូកពីប្រទេសជប៉ុនរួមមានប្រទេសមួយចំនួនក្នុងទ្វីបអាហ្វ្រិក ដូចជាប្រទេស the Ivory Coast, Guinea និង រដ្ឋGrenada ក្នុងសមុទ្រការ៉ាអ៊ីប៕
(ដកស្រង់ចេញពីគេហទំព័រ វិទ្យុអូស្ត្រាលី)
Showing posts with label ជប៉ុន. Show all posts
Showing posts with label ជប៉ុន. Show all posts
Monday, June 14, 2010
គម្រោងការធ្វើជំរឿន សេដ្ឋកិច្ចនៅកម្ពុជា នឹងចាប់ផ្ដើមនៅឆ្នាំ២០១១
ក្រសួងផែនការ និងអង្គការចាយការ (JICA) របស់ប្រទេសជប៉ុនបានរៀបចំដំណើរការជំរឿន សេដ្ឋកិច្ចថ្នាក់ជាតិ មួយមិនធ្លាប់មានពីមុនមកនេះ នៅកម្ពុជា។ ជំរឿនសេដ្ឋកិច្ចថ្នាក់ជាតិនេះគ្រោងនឹងចំណាយពេលវេលាចំនួន៤ឆ្នាំ និង៦ខែ និងចំណាយប្រាក់ជាង២លានដុល្លារ ហើយគ្រោងនឹង ប្រកាសលទ្ធផលឲ្យដឹងនៅដើមឆ្នាំ២០១៥។ លោក សរ សុវណ្ណារ៉ា ធ្វើសេចក្តីរាយការណ៍លម្អិតជូនលោកអ្នកនាងពីរាជធានីភ្នំពេញ។មន្រ្តីស្ថិតិបានឲ្យដឹងថា ចាប់ពីខែមីនាឆ្នាំ២០១១ខាងមុខនេះតទៅ ការចុះធ្វើជំរឿនសេដ្ឋកិច្ចនឹងចាប់ផ្តើមទូទាំង ប្រទេស ដោយស្រង់ស្ថិតិគ្រប់រោងចក្រ សហគ្រាស ក្រុមហ៊ុន និងអាជីវកម្មតូចធំ។
លោក សន ស៊ីថន អគ្គនាយកវិទ្យាស្ថានជាតិស្ថិតិ បានមានប្រសាសន៍ថា ការធ្វើជំរឿនសេដ្ឋកិច្ចធ្វើឲ្យ ងទទួល បាន ទិន្នន័យ ដែលជាមូលដ្ឋានដើម្បី គេអាចយកទៅប្រើប្រាស់ច្រើនផ្នែក។ លោកបានមានប្រសាសន៍បញ្ជាក់ថា លទ្ធផលជំរឿនមានប្រយោជន៍ដល់ការអភិវឌ្ឍជាតិ។
(សំឡេងលោក សន ស៊ីថន)
សូមបញ្ជាក់ថា គម្រោងចាប់ផ្តើមធ្វើជំរឿនសេដ្ឋកិច្ចនេះ បានកើតឡើងបន្ទាប់ពីអង្គការចាយការ (JICA) ជប៉ុន បានសម្រេចផ្តល់ប្រាក់ចំនួន ២លាន ២សែន ដុល្លារ និងផ្តល់ក្រុមបច្ចេកទេសដើម្បីជួយមន្រ្តីកម្ពុជាក្នុងការធ្វើ ជំរឿនសេដ្ឋកិច្ចលើកដំបូងក្នុងប្រវត្តិសាស្រ្តខ្មែរនេះ។
លោក សន ស៊ីថនបានមានប្រសាសន៍បញ្ចាក់ថា ដើម្បីអភិវឌ្ឍប្រទេស ការធ្វើជំរឿនគឺជាការងារមិនអាចខ្វះបាន។ កន្លងមកនេះ ប្រទេសកម្ពុជា បាន ធ្លាប់ធ្វើជំរឿនប្រជាសាស្រ្តឆ្នាំ២០០៨ ដែលបានយកទៅប្រើប្រាស់នៅក្នុងការកំណត់យុទ្ធសាស្រ្តជាតិ។
លោកអគ្គនាយកវិទ្យាស្ថានជាតិស្ថិតិបានមានប្រសាសន៍អំពីតម្រូវការធ្វើជំរឿនចំនួន៣នៅកម្ពុជា។
(សំឡេងលោក សន ស៊ីថន)
មន្រ្តីក្រសួងផែនការបានឲ្យដឹងថា ការងាររៀបចំសម្រាប់ជំរឿនសេដ្ឋកិច្ចនេះ គឺបានចាប់ដំណើរការបណ្តើរៗហើយ ដើម្បីគេអាចឈានទៅចុះធ្វើ សម្ភាសន៍ នៅតាមរោងចក្រ សហគ្រាស និង ក្រុមហ៊ុនតូចធំនៅខែមីនា ឆ្នាំក្រោយនេះ៕
(ដកស្រង់ចេញពីគេហទំព័រ វិទ្យុអូស្ត្រាលី)
ដើមឆ្នាំ២០១០ ថៃបាននាំទំនិញចូលមកប្រទេសកម្ពុជា ក្នុងទឹកប្រាក់ប្រមាណ៧០០លានដុល្លារ
ភ្នំពេញ ៖ ទោះបីជាវិស័យនយោបាយ រវាងប្រទេសកម្ពុជានិងប្រទេសថៃមានភាពតានតឹង ដាក់គ្នាក្នុងរយៈពេលកន្លងមកនេះក៏ដោយ ប៉ុន្តែចំពោះវិស័យសេដ្ឋកិច្ចវិញ នៅតែមានសភាពរលូនទៅមុខជាធម្មតា ជាក់ស្ដែងក្នុងរយៈពេល៣ខែដើមឆ្នាំ២០១០នេះ ថៃបាននាំទំនិញចូលមកប្រទេស កម្ពុជា មានចំនួនទឹកប្រាក់ប្រមាណជា៧០០លានដុល្លារអាមេរិក រីឯកម្ពុជាបាននាំទំនិញទៅប្រទេស ថៃចំនួនទឹកប្រាក់ប្រហែលជា២៤លានដុល្លារអាមេរិកតែប៉ុណ្ណោះ។
លោកស្រីជីរ៉ាណាន់ វង្សមង្គល អគ្គទីប្រឹក្សាពាណិជ្ជកម្មប្រចាំស្ថានឯកអគ្គរាជទូតថៃ ប្រចាំ កម្ពុជាបានឲ្យដឹងបែបនេះ នៅក្នុងសន្និសីទសារព័ត៌មានកាលពីថ្ងៃទី១១ ខែមិថុនា ឆ្នាំ២០១០ ស្ដីពី ការតាំងពិព័រណ៍ពាណិជ្ជកម្មថៃឆ្នាំ២០១០ ដែលគ្រោងនឹងធ្វើឡើងនៅថ្ងៃទី១៧-២០ ខែមិថុនា ឆ្នាំ២០១០ នៅមជ្ឈមណ្ឌលពិព័រណ៍កោះពេជ្ររាជធានីភ្នំពេញ។ លោកស្រីបានបញ្ជាក់បន្ថែមថា ក្រុម ហ៊ុនទាំងនោះនឹងធ្វើការដាក់បង្ហាញនិងលក់ទំនិញជាច្រើនប្រភេទ ដូចជាទំនិញម្ហូបអាហារ ភេសជ្ជៈ សំភារៈសំណង់ សំភារៈប្រើប្រាស់ក្នុងផ្ទះ ផលិតផលធ្វើអំពីស្បែក សំភារៈសិក្សា និងគ្រឿងសំអាង ។ល។
(ដកស្រង់ចេញពីគេហទំព័រ កាសែតកម្ពុជាថ្មី)
លោកស្រីជីរ៉ាណាន់ វង្សមង្គល អគ្គទីប្រឹក្សាពាណិជ្ជកម្មប្រចាំស្ថានឯកអគ្គរាជទូតថៃ ប្រចាំ កម្ពុជាបានឲ្យដឹងបែបនេះ នៅក្នុងសន្និសីទសារព័ត៌មានកាលពីថ្ងៃទី១១ ខែមិថុនា ឆ្នាំ២០១០ ស្ដីពី ការតាំងពិព័រណ៍ពាណិជ្ជកម្មថៃឆ្នាំ២០១០ ដែលគ្រោងនឹងធ្វើឡើងនៅថ្ងៃទី១៧-២០ ខែមិថុនា ឆ្នាំ២០១០ នៅមជ្ឈមណ្ឌលពិព័រណ៍កោះពេជ្ររាជធានីភ្នំពេញ។ លោកស្រីបានបញ្ជាក់បន្ថែមថា ក្រុម ហ៊ុនទាំងនោះនឹងធ្វើការដាក់បង្ហាញនិងលក់ទំនិញជាច្រើនប្រភេទ ដូចជាទំនិញម្ហូបអាហារ ភេសជ្ជៈ សំភារៈសំណង់ សំភារៈប្រើប្រាស់ក្នុងផ្ទះ ផលិតផលធ្វើអំពីស្បែក សំភារៈសិក្សា និងគ្រឿងសំអាង ។ល។
(ដកស្រង់ចេញពីគេហទំព័រ កាសែតកម្ពុជាថ្មី)
Saturday, June 12, 2010
ជប៉ុន បានផ្តល់ជំនួយប្រទេសកម្ពុជាធ្វើជំរឿនសហគ្រាសនៅទូទាំងប្រទេសជាលើកទី១ នៅដើមឆ្នាំ២០១១
កុមារជប៉ុនគ្រវីទង់ជ័យជប៉ុនទទួលស្វាគមន៍ ព្រះមហាក្សត្រកម្ពុជា នរោត្តម សីហមុនី
ក្នុងទីក្រុង Tokyo កាលពីថ្ងៃទី ១៧ ឧសភា ២០១០។
ជំរឿនសហគ្រាស យើងរាប់អាជីវកម្មទាំងតូចទាំងធំទាំងអស់ទូទាំងប្រទេស។ ទិន្នន័យទាំងអស់ ដែលបានមកពីការជំរឿនសហគ្រាសនេះ នឹងយកមកប្រើសម្រាប់បង្កើតគោលនយោបាយផ្នែកអភិវឌ្ឍន៍ នឹងសេដ្ឋកិច្ចរបស់ប្រទេស។ និយាយជារួម វាសម្រាប់បម្រើគោលនយោបាយអភិវឌ្ឍន៍ ផ្នែកសេដ្ឋកិច្ចរបស់ប្រទេស ទាំងរដ្ឋាភិបាលផង នឹងទាំងឯកជនផង ជាពិសេសអ្នកវិនិយោគនឹងត្រូវការទិន្នន័យនេះ"។
ក្រសួងផែនការនឹងអង្គការ JICA របស់ជប៉ុន បានចុះហត្ថលេខាលើកិច្ចព្រមព្រៀងស្តីពីការជំរឿនសហគ្រាសនៅទូទាំងប្រទេសកម្ពុជា ដើម្បីកំណត់គោលនយោបាយអភិវឌ្ឍន៍សេដ្ឋកិច្ចកម្ពុជា។
លោក ជន សក្តា ជូនសេចក្តីរាយការណ៍ដូចតទៅ៖
ប្រទេសកម្ពុជា នឹងចាប់ផ្តើមធ្វើជំរឿនសហគ្រាសដ៏ទូលំទូលាយមួយនៅទូទាំងប្រទេសជាលើកទី១ នៅដើមឆ្នាំ ២០១១ សំដៅបង្កើតគោលនយោបាយអភិវឌ្ឍន៍សេដ្ឋកិច្ចកម្ពុជា។
កិច្ចព្រមព្រៀងស្តីពីការធ្វើជំរឿនសហគ្រាសដែលមានទឹកប្រាក់ប្រមាណ២ លាន២សែនដុល្លារអាមេរិកាំង ត្រូវបានចុះហត្ថលេខាដោយលោក ឆាយ ថន រដ្ឋមន្ត្រីក្រសួងផែនការ និងលោក Yasujiro Suzuki ប្រធានអង្គការ JICA ប្រចាំកម្ពុជា នៅថ្ងៃព្រហស្បតិ៍នេះ។
រដ្ឋាភិបាលជប៉ុនបានផ្តល់ជំនួយឥតសំណងប្រហែល២លាន២សែនដុល្លារអាមេរិកាំង សម្រាប់ការធ្វើជំរឿនសហគ្រាសដែលគ្រោងនឹងចាប់ផ្តើមដំណើរការនៅក្នុងខែមិនា ឆ្នាំ២០១១ គឺជាជំរឿនលើកទី១ដែលមិនធ្លាប់មានពីមុនមក។
ក្រុមមន្ត្រីបានបញ្ចាក់ថា លទ្ធផលនៃជំរឿននេះ ត្រូវបានយកមកប្រើប្រាស់យ៉ាងទូលំទូលាយ សម្រាប់ធ្វើជាភស្តុតាងជាក់ស្តែងក្នុងការកសាងគោលនយោបាយជាតិ និងក្រោមថ្នាក់ជាតិ ការស្រាវជ្រាវជាន់ខ្ពស់ខាងសេដ្ឋកិច្ចនិងសង្គមកិច្ច និងការស្រាវជ្រាវទីផ្សារឯកជនជាដើម។
លោក ហោ ដារិទ្ធ អគ្គនាយករងវិទ្យាស្ថានជាតិស្ថិតិ បានថ្លែងប្រាប់ VOA ថា ការធ្វើជំរឿនសហគ្រាសនេះមានសារៈសំខាន់ណាស់សម្រាប់អភិវឌ្ឍន៍សេដ្ឋកិច្ចសង្គម។ ជំរឿននេះផ្តោតជាសំខាន់លើសហគ្រាស និងប្រើសម្រាប់អភិវឌ្ឍន៍ផ្នែកសេដ្ឋកិច្ច។
លោក ហោ ដារិទ្ធ បានបន្តថាយើងនឹងដាក់ពង្រាយមន្ត្រីជំរឿនប្រមាណ ៤០០០នាក់ នៅទូទាំងប្រទេសកម្ពុជាសម្រាប់ការធ្វើជំរឿននេះ។
"ជំរឿនសហគ្រាស យើងរាប់អាជីវកម្មទាំងតូចទាំងធំទាំងអស់ទូទាំងប្រទេស។ ទិន្នន័យទាំងអស់ ដែលបានមកពីការជំរឿនសហគ្រាសនេះ នឹងយកមកប្រើសម្រាប់បង្កើតគោលនយោបាយផ្នែកអភិវឌ្ឍន៍ នឹងសេដ្ឋកិច្ចរបស់ប្រទេស។ និយាយជារួម វាសម្រាប់បម្រើគោលនយោបាយអភិវឌ្ឍន៍ ផ្នែកសេដ្ឋកិច្ចរបស់ប្រទេស ទាំងរដ្ឋាភិបាលផង នឹងទាំងឯកជនផង ជាពិសេសអ្នកវិនិយោគនឹងត្រូវការទិន្នន័យនេះ"។
លោក Yasujiro Suzuki ប្រធានអង្គការ JICA ប្រចាំកម្ពុជា បានថ្លែងថាយើងត្រូវអនុវត្តគម្រោងធ្វើជំរឿនសហគ្រាសនេះ ឱ្យមានប្រសិទ្ធិភាព។
លោក សន ស៊ីថន អគ្គនាយកវិទ្យាស្ថានជាតិស្ថិតិ បានបញ្ចាក់ថា ជំរឿននេះនឹងជម្រុញការចូលរួម របស់ប្រជាពលរដ្ឋខ្មែរទូទៅនៅក្នុងសកម្មភាពអភិវឌ្ឍន៍សេដ្ឋកិច្ចជាតិ ដោយសារតែមានព័ត៌មានជាក់ស្តែង អំពីចំនួនសហគ្រាសនៅក្នុងប្រទេសកម្ពុជា។
លទ្ធផលចុងក្រោយនៃការធ្វើបញ្ចីសហគ្រាសឆ្នាំ២០០៩ បានបង្ហាញថាប្រទេសកម្ពុជា មានសហគ្រាសសរុបចំនួន៣៧៦៧៦១ និងចំនួនកម្មករចូលរួមការងារក្នុងសហគ្រាសទាំងអស់មានប្រមាណ ១,៥ លាននាក់ រួមមានបុរសប្រមាណ ៦៣០០០០ នាក់ ស្មើនិង ៤២,៦% នឹងស្ត្រីប្រមាណ៨៤៣០០០ នាក់ ស្មើនឹង ៥៧,៤% ៕
(ដកស្រង់ចេញពីគេហទំព័រ សំឡេងសហរដ្ឋអាមេរិក ▪ ខ្មែរ)
យោធាកម្ពុជា និងជប៉ុនជជែកអំពីសន្តិសុខអន្តរជាតិ
គណៈប្រតិភូក្រសួងការពារជាតិជប៉ុន មួយក្រុមដឹកនាំដោយលោកអ៊ីស្ហ៊ីកានេ គីមីហ៊ីរ៉ូ ISHIKANE Kimihiro ជាអគ្គនាយករងនាយកដ្ឋានអាស៊ីអាគ្នេយ៍ និងអាស៊ីនិរតីនៃក្រសួងការពារជាតិជប៉ុន បានជួបពិភាក្សាជាមួយមន្ត្រីយោធាកម្ពុជានៅក្នុងកិច្ចប្រជុំពិគ្រោះយោបល់នយោបាយយោធាកម្ពុជា ជប៉ុន។ កិច្ចប្រជុំប្រភេទនេះ ជាកិច្ចប្រជុំលើកទីមួយរវាងប្រទេសទាំងពីរដើម្បីពិភាក្សាអំពីកិច្ចសហប្រតិបត្តិការ សន្តិសុខក្នុងតំបន់ និងសហប្រតិបត្តិការយោធារវាងប្រទេសទាំងពីរ។ កិច្ចប្រជុំនេះរៀបចំដោយក្រសួង ការបរទេសកម្ពុជា ហើយភាគីក្រសួងការពារជាតិកម្ពុជាតំណាងដោយលោកសួន សំណាង អគ្គនាយករងនៃនាយកដ្ឋាននយោបាយ និងកិច្ចការបរទេសរបស់ក្រសួងការពារជាតិ។ជំនួបមន្ត្រីយោធាកម្ពុជា ជប៉ុនលើកទីមួយនេះ បានប្រព្រឹត្តិទៅនៅក្រសួងការបរទេសកម្ពុជានៅក្នុងសប្តាហ៍នេះ។ កិច្ចប្រជុំនេះដឹកនាំដោយលោកហោ សុធន អគ្គលេខាធិការក្រសួងការបរទេស ។ នៅក្នុងកិច្ចប្រជុំនោះ បើតាមសេចក្តីប្រកាសព័ត៌មានរបស់ក្រសួងការបរទេស ភាគីទាំង២បានជជែកគ្នាអំពីប្រធានបទធំៗសំខាន់ទាក់ទងនឹងសន្តិសុខអន្តរជាតិ។ ក្នុងនោះរួមមាន តួនាទីរបស់ប្រទេសមហាអំណាចនៅក្នុងតំបន់ ប្រទេសមហាអំណាចនោះគឺសំដៅលើសហរដ្ឋអាមេរិក ចិន ជប៉ុន ឥណ្ឌាជាដើម។ បន្ទាប់មកគឺការពិភាក្សាអំពីបញ្ហាប្រឈមថ្មីៗផ្នែកសន្តិសុខនៅក្នុងតំបន់អាស៊ីប៉ាស៊ីហ្វិក និងអំពីកិច្ចសហប្រតិបត្តិការផ្នែកសន្តិសុខក្នុងក្របខណ្ឌពហុភាគី។ កិច្ចសហប្រតិបត្តិការសន្តិសុខពហុភាគីនេះ គឺសំដៅការប្រយុទ្ធប្រឆាំងអំពើភេរវកម្ម ជំនួយមនុស្សធម៌ ការជួយជនរងគ្រោះពីគ្រោះថ្នាក់ធម្មជាតិ និងការប្រយុទ្ធប្រឆាំងអាវុធប្រល័យលោកជាដើម។
បើតាមការបញ្ជាក់របស់អ្នកនាំពាក្យក្រសួងការពារជាតិកម្ពុជា លោក ឈុំ សុជាតិ វាគឺជាកិច្ចការងារល្អ និងជាការធម្មតាទៅទៀត។ ធម្មតាត្រង់ថា កម្ពុជាមានគោលនយោបាយកិច្ចការបរទេសបើកចំហរ និងសហប្រតិបត្តិការជាមួយគ្រប់បណ្តាប្រទេសនានា។ លោក ឈុំ សុជាតិបន្តថា កិច្ចការងារថែរក្សាសន្តិសុខតំបន់ រួមមានសន្តិសុខលំហសមុទ្រជាដើម គឺមានសារៈសំខាន់ណាស់ ហើយថាកម្ពុជាបានចូលរួមសហប្រតិបត្តិការជាមួយប្រទេសជាច្រើនផងដែរក្នុងបញ្ហានេះ។កន្លងមកមានប្រទេសធំៗមួយចំនួនដូចជាអាមេរិក បារាំង អូស្រ្តាលី ចិនដែលសុទ្ធសឹងជាប្រទេសដែលបានប្រកាសផ្តល់ជំនួយយោធាជាសម្ភារៈ និងបច្ចេកទេសជាបន្តបន្ទាប់មកអោយកម្ពុជា។ កប៉ាល់ទ័ពជើងទឹករបស់ប្រទេសទាំងនេះ ក៏ធ្លាប់បានចូលចតនៅកម្ពុជាជាហូរហែរមកដែរ។
មែនទែនទៅការជួបគ្នារវាងប្រតិភូមន្ត្រីយោធាទាំងពីរប្រទេសនៅពេលនេះ ក៏ជាឱកាសសម្រាប់ប្រទេសទាំងពីរជជែកគ្នាអំពីលទ្ធភាពនៃការពង្រីកកិច្ចសហប្រតិបត្តិការផ្នែកយោធា។ នេះបើតាមការអត្ថាធិប្បាយរបស់លោកឧត្តមសេនីយឯកឈុំ សុជាតិ ដែលជាអ្នកនាំពាក្យរបស់ក្រសួងការពារជាតិកម្ពុជា។ លោក ឈុំ សុជាតិបានប្រាប់អោយដឹងថាកន្លងមកជំនួយរបស់ប្រទេសជប៉ុនក្នុងផ្នែកយោធាមិនសូវមានច្រើនឡើយ។ គឺមានខ្លះៗទេ តាមរយៈការបញ្ជូនមន្ត្រីយោធាកម្ពុជាទៅទទួលការបណ្តុះបណ្តាលនៅប្រទេសជប៉ុន។ ដូច្នេះបើតាមអ្នកនាំពាក្យក្រសួងការពារជាតិ គឺថាជំនួបលើកនេះ ក៏អាចអោយភាគីជប៉ុនស្វែងយល់ពីស្ថានភាពយោធាកម្ពុជាផងដែរ។ថ្វីត្បិតតែជំនួយផ្នែកយោធារបស់ជប៉ុនមិនសូវមាននៅកម្ពុជា ប៉ុន្តែបើនិយាយអំពីជំនួយអភិវឌ្ឍន៍វិញ ប្រទេសជប៉ុនគឺជាប្រទេសអ្នកផ្តល់ធំជាងគេនៅកម្ពុជា។
(ដកស្រង់ចេញពីគេហទំព័រ RFI ខេមរភាសា)
Thursday, June 10, 2010
កិច្ចពិគ្រោះយោបល់នយោបាយយោធារវាងកម្ពុជា និងជប៉ុនលើកទី១
រាជធានីភ្នំពេញ ៖ ក្រសួងការបរទេស និងសហប្រតិបត្ដិការអន្ដរជាតិ នៃព្រះរាជា ណាចក្រកម្ពុជា នាព្រឹកថ្ងៃទី៨ មិថុនា បាន រៀបចំកិច្ចពិគ្រោះយោបល់នយោបាយ យោធារវាងកម្ពុជា-ជប៉ុនលើកទី១ ក្រោម អធិបតីភាពលោកហោ សុធន អគ្គលេខា ធិការនៃក្រសួងការបរទេស និងសហប្រតិ បត្ដិការអន្ដរជាតិ និងភាគីជប៉ុន លោក ISHIKANE Kimihiro អគ្គនាយករង នាយកដ្ឋានអាស៊ីអាគ្នេយ៍ និងអាស៊ីនិរតីនៃ ក្រសួងការបរទេសជប៉ុន និងលោក OE Hiroshi អគ្គនាយកកិច្ចការអន្ដរជាតិ នាយក ដ្ឋាននយោបាយការពារជាតិ នៃក្រសួងការ ពារជាតិជប៉ុន នៅបន្ទប់ប្រជុំក្រសួងការ បរទេស និងសហប្រតិបត្ដិការអន្ដរជាតិ ។
តំណាងក្រសួងការពារជាតិកម្ពុជា ដឹកនាំ ដោយលោកឧត្ដមសេនីយ៍ឯក សួន សំណាង អគ្គនាយករង នៃអគ្គនាយកដ្ឋាននយោបាយ និងកិច្ចការបរទេស និងជាប្រធាននាយកដ្ឋាន នយោបាយ និងផែនការ ។ក្នុងកិច្ចប្រជុំពិគ្រោះយោបល់នេះ ភាគី ទាំងពីរបានផ្លាស់ប្ដូរយោបល់គ្នាយ៉ាងទូលំ ទូលាយលើបញ្ហាសំខាន់ៗមួយចំនួនស្ដីពី សភាពការណ៍សន្ដិសុខអន្ដរជាតិដូចជា តួនាទី របស់ប្រទេសមហាអំណាចក្នុងតំបន់ (អាមេ រិក ជប៉ុន ចិន ឥណ្ឌា...) និងបញ្ហាប្រឈមថ្មីៗ ផ្នែកសន្ដិសុខនៅក្នុងតំបន់អាស៊ីប៉ាស៊ីហ្វិក និង កិច្ចសហប្រតិបត្ដិការផ្នែកសន្ដិសុខក្នុងក្រប ខណ្ឌពហុភាគី ។ ព័ត៌មានលំអិតនឹងផ្សាយ ជូននៅពេលក្រោយ និងនៅលើទំព័រកាសែត កោះសន្ដិភាព .
(ដកស្រង់ចេញពីគេហទំព័រ កាសែតកោះសន្តិភាព)
តំណាងក្រសួងការពារជាតិកម្ពុជា ដឹកនាំ ដោយលោកឧត្ដមសេនីយ៍ឯក សួន សំណាង អគ្គនាយករង នៃអគ្គនាយកដ្ឋាននយោបាយ និងកិច្ចការបរទេស និងជាប្រធាននាយកដ្ឋាន នយោបាយ និងផែនការ ។ក្នុងកិច្ចប្រជុំពិគ្រោះយោបល់នេះ ភាគី ទាំងពីរបានផ្លាស់ប្ដូរយោបល់គ្នាយ៉ាងទូលំ ទូលាយលើបញ្ហាសំខាន់ៗមួយចំនួនស្ដីពី សភាពការណ៍សន្ដិសុខអន្ដរជាតិដូចជា តួនាទី របស់ប្រទេសមហាអំណាចក្នុងតំបន់ (អាមេ រិក ជប៉ុន ចិន ឥណ្ឌា...) និងបញ្ហាប្រឈមថ្មីៗ ផ្នែកសន្ដិសុខនៅក្នុងតំបន់អាស៊ីប៉ាស៊ីហ្វិក និង កិច្ចសហប្រតិបត្ដិការផ្នែកសន្ដិសុខក្នុងក្រប ខណ្ឌពហុភាគី ។ ព័ត៌មានលំអិតនឹងផ្សាយ ជូននៅពេលក្រោយ និងនៅលើទំព័រកាសែត កោះសន្ដិភាព .
(ដកស្រង់ចេញពីគេហទំព័រ កាសែតកោះសន្តិភាព)
ទីក្រុងបៃតងអណ្ដែតលើទឺកនាំអ្នកទៅជិតឋានសួគ៌
ទីក្រុងបៃតងអណ្ដែតនៅលើទឹក ជាកន្លែងដែលល្អមួយសំរាប់ អ្នកគេចចេញពីទីក្រុងដែលធ្វើឲ្យថប់ដង្ហើម និងសម្លេងរោទិ៍ទ្រហឹងគួរឲ្យរំខាន។ ទីក្រុងបៃតងនេះ សង់នៅលើទឹក ដែលប្រៀបដូចជាស្លឹកឈូកមួយសន្លឹកសំរាប់ប្រជាជាតិ។សាជីវកម្ម Shimizu ជប៉ុន ជាអ្នកផ្តើមគំនិតបង្កើតទីក្រុងបៃតងអណ្តែតលើទឹកនេះឡើង។ ដូច្នេះ ជំនួសការដាំដើមឈើនៅក្នុងសួរច្បារមុខផ្ទះ ដើម្បីបង្កើតអារម្មណ៍ល្អដល់ខ្លួន ដែលហាក់បីដូចជាកំពុងរស់នៅក្នុងបរិស្ថានបៃតងមួយ។ ដើមឈើដ៏ធំសម្បើមមួយ ក្លាយទៅជាគេហដ្ឋាន ទៅកាន់ទីក្រុងបៃតងអណ្ដែតលើទឹក ដែលគ្មានការបំពុលបរិស្ថាន។
ទីក្រុងបៃតងនេះ ជាផ្នែកនៃអគារអណ្តែត ក្រឡេកមើលទៅហាក់បីដូចជាស្លឹកឈូកមួយសន្លឹក អាចផ្ទុកមនុស្សបាន ១.០០០.០០០នាក់ ហើយអគារនិមួយៗ មានកំពស់ ១គីឡូម៉ែត្រ ដែលជាអគារទំនើបខ្ពស់ៗ មានគេហដ្ឋាន ពាណិជ្ជកម្ម និងអគារការិយាល័យនៅកំពូលទីក្រុងនេះ។
ទីក្រុងបៃតងអណ្តែតលើទឹកនេះ ត្រូវបានបង្កើតឡើងក្នុងទិសដៅរួមរស់នៅជាមួយនឹងធម្មជាតិ៕
(ដកស្រង់ចេញពីគេហទំព័រ នគរវត្ត)
Wednesday, June 9, 2010
លោកណាអូតូកានបង្កើត រដ្ឋាភិបាលជប៉ុនថ្មី
នាយករដ្ឋមន្ដ្រីថ្មីជប៉ុន លោកណាអូតូ កាន បានបង្កើតកាលពីថ្ងៃទី៨ មិថុនា នូវរដ្ឋាភិបាលរបស់លោក ខណៈជប៉ុនត្រូវប្រឈម មុខនឹងបំណុលសាធារណៈយ៉ាងធំមហាសាលមួយ ។ អាយុ៦៣ឆ្នាំ អតីតរដ្ឋមន្ដ្រីហិរញវត្ថុរូប នេះជាប្រមុខគណបក្សប្រជាធិបតេយ្យ ត្រៀមក្លាយជាប្រមុខរដ្ឋាភិបាលជប៉ុនទី៥ ក្នុងរយៈពេលតែ៣ឆ្នាំ ។លោកកាន បានឡើងបន្ដតំណែងពីលោកយូគីអូហាតូយ៉ាម៉ា ដែលត្រូវបង្ខំចិត្ដលាលែងចេញពីតំណែង ក្រោយកាន់តំណែងនេះបានត្រឹមតែ៨ខែ ។ លោកសុខចិត្ដលាលែងដោយសង្ឃឹមថា គណបក្សលោកអាចដណ្ដើមបានជោគជ័យក្នុងការ បោះឆ្នោតព្រឹទ្ធសភា ដែលគ្រោងធ្វើក្នុងខែ កក្កដាខាងមុខនេះ ។
ពេលប្រកាសពីសមាសភាពរដ្ឋាភិបាលថ្មី អ្នកនាំពាក្យរបស់រដ្ឋាភិបាលថ្មីនោះ លោក យូស៊ីតូ សេនហ្គោគូ ថ្លែងថា លោកកាន ក្នុង ឋានៈជានាយករដ្ឋមន្ដ្រី និងជាប្រមុខគណបក្សប្រជាធិបតេយ្យបានជ្រើសតាំងរដ្ឋមន្ដ្រី ទាំងឡាយ ជាមួយនឹងចេតនាបង្កើតរដ្ឋាភិបាលថ្មីមួយ ដែលប្រកបដោយវិជ្ជាជីវៈ ស្អាតស្អំ ហើយអាចដឹកនាំប្រទេសប្រកបដោយប្រសិទ្ធភាព ។ សរុបក្នុងរដ្ឋាភិបាលថ្មីនេះ មានសមាជិករដ្ឋាភិបាលមុន១១រូប ក្នុងនោះ រួមមានរដ្ឋមន្ដ្រីការបរទេស លោកកាតស៊ូយ៉ា អូកាដា ផងដែរ។ ដូចការគ្រោងទុក លោក យូស៊ីហ៊ីកូ ណូដា អនុរដ្ឋមន្ដ្រីហិរញវត្ថុនៃរដ្ឋាភិបាលមុនក្លាយជារដ្ឋមន្ដ្រីក្រសួងនេះ ។ ដូចលោកកានដែររដ្ឋមន្ដ្រីហិរញវត្ថុថ្មីជឿ ជាក់លើភាពចាំបាច់នៃការកាត់បន្ថយបំណុលសាធារណៈដែលមានដល់ទៅ២ដងខ្ពស់ជាង ផលទុនជាតិសរុប PIB របស់ប្រទេស ៕
(ដកស្រង់ចេញពីគេហទំព័រ កាសែតកោះសន្តិភាព)
Saturday, June 5, 2010
រដ្ឋមន្ដ្រីហិរញវត្ថុក្លាយជានាយករដ្ឋមន្ដ្រីថ្មីជប៉ុន
លោកណៅតូ កាន (Naoto Kan) រដ្ឋមន្ដ្រី ក្រសួងហិរញវត្ថុបានក្លាយជានាយករដ្ឋមន្ដ្រីថ្មីជប៉ុន ហើយត្រូវបានបោះឆ្នោតជ្រើសរើសជាប្រធានថ្មីនៃគណបក្សប្រជាធិបតេយ្យ ។ លោកណៅតូ កាន បានក្លាយជានាយករដ្ឋមន្ដ្រីថ្មីជប៉ុន ក្រោយពីការសុំលាលែងពីតំណែងរបស់លោកយូគីអូ ហាតូយ៉ាម៉ា កាលពីពេលថ្មីៗកន្លងមក ដោយសារការបំពានកិច្ចសន្យាទាក់ទិនទៅនឹងការផ្លាស់ប្ដូរមូលដ្ឋានកងម៉ារីនសហរដ្ឋអាមេរិកពីកោះអូគីណាវ៉ា ។ លោកណៅតូ កាន បានទទួលតំណែងជានាយករដ្ឋមន្ដ្រីថ្មីរបស់ប្រទេសជប៉ុន ដោយទទួលបានសំលេងឆ្នោតគាំទ្រចំនួន៣១៣ សំលេងក្នុងចំណោមសំលេងឆ្នោតក្នុងសភាចំនួន៤៧៧សំលេង ។
លោកណៅតូ កាន បានក្លាយជានាយករដ្ឋមន្ដ្រីទី៩៤ របស់ប្រទេសជប៉ុននឹងក្លាយជានាយករដ្ឋមន្ដ្រីទី៥ ក្នុងរយៈពេលមិនដល់៥ឆ្នាំផង ។ មុនការលាលែងរបស់លោកយូគីអូ ហាតូយ៉ាម៉ា លោកណៅតូ កាន ត្រូវបានគេ រំពឹងទុករួចហើយថា លោកនឹងក្លាយជានាយករដ្ឋមន្ដ្រីថ្មីរបស់ប្រទេសជប៉ុន ។ នៅទីបញ្ចប់លោកបានក្លាយជានាយករដ្ឋមន្ដ្រីថ្មីជប៉ុនដូចការរំពឹងទុកមែននៅក្នុងការបោះឆ្នោតសភានាថ្ងៃទី៤ មិថុនា ៕
(ដកស្រង់ចេញពីគេហទំព័រ កាសែតកោះសន្តិភាព)
Subscribe to:
Posts (Atom)