អាជ្ញាធរ​ក្នុងខេត្ត​តាកែ​វ ឃា​ត់ប្រតិ​ភូដែល​ចុះទៅមើ​ល បង្គោល​ព្រំដែន

មេបក្សប្រឆាំងលោកសម រង្សី សា្វគមដោយអ្នកគាំទ្េនៅថ្ងៃទិវាពលកម្មឆ្នា២០០៦​(រូបភាពៈ វិទ្យុអូស្ត្រាលី)

ប៉ូលិសនៅក្នុងខេត្តតាកែវ បានឃាត់ប្រតិភូមកពីក្រុមប្រឹក្សាឃ្លាំមើលប្រទេសកម្ពុជាមិនឲ្យចូលទៅពិនិត្យមើលបង្គោលព្រំដែនដែលប្រជាពលរដ្ឋនៅទី នោះនិយាយថា ត្រូវបានដាំនៅក្នុងដីស្រែរបស់ពួកគាត់។

លោករ៉ុង ឈុន ដែលជាសមាជិកមួយរូបរបស់ក្រុមប្រឹក្សានោះ និយាយថា ប៉ូលិសបានប្រាប់ប្រតិភូទាំងនោះថាពួកគេចាំបាច់ត្រូវមានការអនុញ្ញាត ពី រដ្ឋាភិបាលដើម្បីទៅពិនិត្យកន្លែងនោះ។

លោករ៉ុង ឈុន បន្តថា ប៉ូលិសនិយាយថា ពួកគេបានទទួលបញ្ជាពីថ្នាក់លើដើម្បីឃាត់ប្រតិភូទាំងអស់នោះ។

កាលពីដើមខែនេះ មន្រ្តីគណបក្សប្រឆាំង និង អ្នកគាំទ្រមួយចំនួនត្រូវបានប៉ូលិសឃាត់មិន ឲ្យចូលទៅពិនិត្យមើលបង្គោលព្រំដែននោះផងដែរ។

មេឃុំ ជ័យជោគ លោក ទួន វ៉ាន់ហ៊ន បានអះអាងថា ក្រុមប្រតិភូនោះត្រូវបានរារាំងមែនដោយលោកនិយាយថា អ្នកទាំងនោះត្រូវសុំការអនុញ្ញាតិពី រដ្ឋាភិបាលសិន។

កាលពីសប្តាហ៍មុន លោកវ៉ា គឹមហុង ទេសរដ្ឋមន្រ្តីទទួលបន្ទុកកិច្ចការព្រំដែននិយាយថាភាគីកម្ពុជា និង វៀតណាមបានពិភាក្សាគ្នាដើម្បីឯកភាពទៅ លើផែនការមួយដែលនឹងសម្រេចទៅលើការបោះបង្គោលព្រំដែនចំនួន១៨៥បង្គោលថែមទៀតនៅមុនឆ្នាំ២០១២។

(ដកស្រង់ចេញពីគេហទំព័រ វិទ្យុអូស្ត្រាលី)