ស្វែងយល់​ពី PH (​សម្រាប់​សុខភាព និង​អាយុ​យឺនយូរ​)

ប្រព័ន្ធ​សរី​រាង្គ​នៅក្នុង​ខ្លួន​មនុស្ស​យើង​មាន​សមត្ថភាព​យ៉ាង​គ្រប់គ្រាន់ សម្រាប់​ផលិត​កម្រិត PH នៅក្នុង​ខ្លួន​យើង ។​

​ ​ជាធម្មតា​មនុស្ស ដែល​មាន​សុខភាព​ល្អ​បរិបូណ៍​មាន PH ក្នុង​ចន្លោះ​ពី ៧.៣៥-៧.៤០ ប៉ុន្តែ​នៅពេលដែល PH របស់​យើង​ខុស​ពី​ចន្លោះ​នេះ នោះ​មានន័យ​ថា​យើង​នឹង​មាន​បញ្ហា ។ កាលណា​កម្រិត PH របស់​យើង​ឡើង​ខ្ពស់​ពេក យើង​មាន ALKALINE លើស​ពី​កម្រិត​ធម្មតា​ កាលណា PH របស់​យើង​មាន​កម្រិត​ទាប​ជាង ៧.៣៥ (PH) នោះ​មានន័យ​ថា យើង​មាន​ជាតិ​អាស៊ីដ​ច្រើនពេក ។ កាលណា​កម្រិត PH ខុស​ពី​ធម្មតា​វា​នឹង​បង្ក​ឲ្យ​យើង​មាន​ជម្ងឺ​ជា​ច្រើន​យ៉ាង ជា​ពិសេស​បើ PH របស់​យើង​ទាប​ជាង​កម្រិត​ធម្មតា បើ​វា​ខ្ពស់​ជាង​កម្រិត​ធម្មតា​បន្តិច​នោះ​មិនសូវ​បង្ក​បញ្ហា​ប៉ុន្មាន​ទេ ប៉ុន្តែ​ប្រព័ន្ធ​សរី​រាង្គ​កាយរ​បស់​យើង​អាច​សម្រួល​ឲ្យ PH ក្នុង​ខ្លួន​យើង​ស្ថិតក្នុង​កម្រិត​មួយ​ជា​មធ្យម បើសិន​វា​ធ្វើទៅបាន ។

​ ​* អាហារ​ដែល​យើង​បរិភោគ​ប្រចាំថ្ងៃ គឺជា​គន្លឹះ​មួយ​យ៉ាងសំខាន់ ដើម្បី​កែកុន PH ក្នុង​ខ្លួន​យើង ។ ហេតុ​នេះ​យើង​ទាំងអស់គ្នា​ត្រូវ​ដឹង និង​យល់​ឲ្យបាន​ច្បាស់​ពី​កម្រិត PH ក្នុង​ខ្លួន​របស់​យើង ហើយ​ត្រូវ​ដឹង​ផង​ដែរ​ថា តើ​ត្រូវ​បរិភោគ​អ្វី ដើម្បី​ធ្វើឲ្យ​តុល្យភាព​ល្អ​នៃ​កម្រិត PH គឺ​មិន​ទាប និង​មិន​ខ្ពស់ ។​

​ ​ហេតុអ្វី​បានជា​យើង​គ្រប់គ្នា​ត្រូវ​យកចិត្តទុកដាក់​ឲ្យបាន​ច្រើន​ទៅលើ​កម្រិត PH ? ហេតុ​យ៉ាងណា​បានជា​យើង​ត្រូវតែ​សម្រួល​កម្រិត PH ឲ្យបាន​ល្អ ?

​ ​* ALKALINE កាលណា PH ក្នុង​ខ្លួន​យើង​ធ្លាក់​ទាប​ជាង​កម្រិត ៧.៣៥ យើង​មាន​អាស៊ីដ​ច្រើនពេក​ អ្នកណា​ក៏​ដោយ​ឲ្យតែ​មាន​កម្រិត PH ក្រោម​មធ្យម និង​កើត​មាន ឬ​បើកផ្លូវ​ឲ្យ​កើត​មាន​ជម្ងឺ​ជា​ច្រើន​យ៉ាង​នៅក្នុង​ខ្លួន​យើង ជម្ងឺ​ដែល​កើត​មាន​គឺ ភាគច្រើន​កើត​ក្នុង​ប្រព័ន្ធ​រំលាយ​អាហារ និង​បំពង់​ស​សៃឈាម ។​

​ ​នៅពេល​ដែល​ខ្លួន​យើង​មាន​ចំនួន PH ក្រោម​មធ្យម ខ្លួន​យើង​នឹង​មាន​ជាតិ​អាស៊ីដ​ច្រើនពេក នៅពេលណា​ដែល​ជាតិ​អាស៊ីដ​នេះ​កើនឡើង​ច្រើន​ពេក ប្រព័ន្ធ​សរី​រាង្គ​យើង​នឹង​រក្សាទុក​ជា​តិ​អាស៊ីដ​ទាំងនោះ​ទៅក្នុង​កោសិកា​ខ្លាញ់ ក្នុង​ខ្លួន​យើង ។​

​ ​ភាគច្រើន​បំផុត​យើង​គ្រប់​គ្នា​មាន PH ទាប​ជាង​មធ្យម ករណី​នេះ​វា​បង្កឡើង​ដោយ​ប្រភេទ​នៃ​អាហារ ដែល​យើង​បាន​បរិភោគ​ប្រចាំ​ថ្ងៃ​នោះ​ឯង កម្រិត PH យើង​ស្ថិតក្នុង​កម្រិត​មួយ​ល្អ ឬ​អាក្រក់​គឺ​អាស្រ័យ​ទៅលើ​ប្រភេទ​អាហារ​ទាំងស្រុង ។ អាហារ​ខ្លះ​បង្ក​ឲ្យ​យើង​មាន​ជាតិ​អាស៊ីដ​យ៉ាងច្រើន ឯ​អាហារ​ខ្លះ​មាន​ជាតិ​អាស៊ីដ​តិចតួច​ប៉ុណ្ណោះ ។ ដើម្បី​ឲ្យ​ងាយ​យល់​បាន សូម​មើល​តាម​រូបភាព​ខាងក្រោម​នេះ នោះ​យើង​នឹង​ដឹង​បាន​ថា តើ​អាហារ​ប្រភេទ​ណា​មាន​អាស៊ីដ​ច្រើន និង​អាហា​រណា​មាន ALKALINE ច្រើន ។​
​* ប្រភេទ​អាហារ​ដែល​ផ្តល់​ឲ្យ​យើង​មាន PH កម្រិត​ខ្ពស់ និង​ចូល​ក្នុង​កម្រិត ALKALINE

​ ​- ទឹក ALKALINE IONIZED WATER

PH 10​ ​- សាលា​ដ​

​ ​- ស្ពៃ​ស្ពី​ណេច​, ស្លឹក​ជន្លង់​

​ ​- ឆៃ​ថាវ គ្រប់​ប្រភេទ​

​ធ្វើឲ្យ​យើង​មាន ALKALINE កើនឡើង និង​កម្រិត PH ខ្ពស់​រហូតដល់ ១០ និង​ស្ថិត​ក្នុង​កម្រិត ALKALINE

​ ​- ចេក​

​ ​- ផ្លែ​ប៉ោម​

PH 9​ ​- ស្ពៃ​ក្តោប​

​ ​- ការ៉ុត​

​ ​- ត្រប់​វែង​

​អាហារ​ទាំងនេះ​ផ្តល់​ឲ្យ​យើង​មាន​កម្រិត PH 9 និង​ស្ថិត​ក្នុង​កម្រិត ALKALINE

​ ​- ដំឡូង​បារាំង​

​ ​- ត្រសក់​

PH 8​ ​- ខ្ទឹម​បារាំង​

​ ​- តៅ​ហ៊ូ​, តៅ​ក័រ​

​ ​- ទឹក​ដោះ​

​អាហារ​ទាំង​ប៉ុន្មាន​មុខ​នេះ​ផ្តល់​ឲ្យ​យើង​នូវ​កម្រិត PH មួយ​ប្រសើរ​ជាងគេ ពីព្រោះ​កម្រិត​ត្រឹម ៨ វា​មិន​ខ្ពស់​ពេក​តែ​មិន​ល្អ​ពេក​ដែរ បើសិនជា​វា​ស្ថិត​នៅ​បែប​នេះ​រយៈពេល​យូរ​

​ ​- នំ​បុ័ង​

PH 7​ ​- ឈីស (Cheese)

​ ​- ប៊ីយែ​រ​

​អាហារ​ទាំង​បី​មុខ​នេះ​បង្កើត​ឲ្យមាន​កម្រិត​អាស៊ីដ​តិចតួច តែ​វា​អាច​ធ្វើឲ្យ PH របស់​យើង​ធ្លាក់​មក​នៅត្រឹម ៧ បាន​

​ ​- ស្ករស​

PH 6​ ​- ត្រី​មឹក​

​ ​- សាច់គោ​

​ ​- សាច់ជ្រូក​

​អាហារ​ទាំងនេះ​នឹង​ធ្វើឲ្យ​កម្រិត​អាស៊ីដ​ក្នុង​ខ្លួន​យើង​ធ្លាក់​ទាប​រហូត​ដល់​កម្រិត PH 6 គឺ​ស្ថិតក្នុង​កម្រិត​មួយ​មិន​ល្អ​ទេ​

​- អន្ទង់​

PH 5​ ​- ស្រី​សាល់​ម៉ុន (​បរិភោគ​ឆៅ​)

​ ​- សាច់មាន់​

​ ​- ស្រា​វី​ស្គី

​គឺជា​ប្រភេទ​អាហារ​ដែល​បង្កើត​ឲ្យមាន​កម្រិត​អាស៊ីដ​យ៉ាងច្រើន​នៅក្នុង​រាងកាយ​របស់​យើង ។​

​ ​- បាយ​

​ ​- ផ្លែ​ទន្លាប់​

​ ​- ស្រាស​ធ្វើ​ពី​អង្ករ​

​ ​- ផ្អក​ពងត្រី​

​ ​- ស៊ុត​លឿង (​សាច់​ស៊ុត​លឿង​នៅក្នុង​ស៊ុត​)

​អាហារ​ប្រភេទ​ទាំង​នេះ​បង្កើតឲ្យមាន​ជា​តិ​អាស៊ីដ​យ៉ាង​ច្រើន​ជាង​គេ​នៅក្នុង​ខ្លួន​មនុស្ស​យើង ។​

* របប​អាហារ​ប្រចាំថ្ងៃ​របស់​យើង អាច​ថា​ជា​អ្នក​កំណត់​អាយុជីវិត​យើង​ផង​ក៏​អាច​ថា​បាន ហេតុ​នេះ​គួរលៃ​ធ្វើយ៉ាងណា​ឲ្យ​វា​មាន​តុល្យាភាព​គ្នា​រវាង​អាហារ​ដែល​មាន ALKALINE និង​អាហារ​ដែល​មាន ACID ច្រើន ចំណែក​ការធ្វើឲ្យ​មាន​តុល្យភាព​រវាង ALKALINE និង ACID គឺជា​តួនាទី​របស់​ខ្លួន​យើង​ជា​អ្នក​លៃលក​ចំពោះ​បញ្ហា​នេះ ។​

** ដើម្បី​ខ្លួន​យើង​មាន​សុខភាព​ល្អ និង​មាន​អាយុ​វែង​យឺនយូរ សរី​រាង្គ​របស់​យើង​បាន​រក្សា​នូវ​តុល្យភាព​រវាង PH មួយ​ដែល​ល្អ​បំផុត​តាម​ដែល​អាច​ធ្វើទៅបាន គឺ​ក្នុង​កម្រិត ៧.៣៦៥ (PH) ។ ក្នុង​កម្រិត​នេះ​ខ្លួន​យើង​ហាក់​មាន ALKALINE ច្រើន​ជាង​ធម្មតា​បន្តិច ។ កម្រិត PH ក្នុង​ខ្លួន​យើង​មិន​ទៀង​ឡើយ តែ​ខ្លួនប្រាណ​យើង​អាច​ធ្វើឲ្យ​វា​មានលំនឹង​នៃ​តុល្យភាព​មួយ​យ៉ាង​ល្អ​ណាស់ ។​

​ ​ដោយសារតែ​ការ​កើត​មាន​អាស៊ីដ​ច្រើនពេក​នៅក្នុង​រាងកាយ​យើង​នេះ​ហើយ​ទើប​បានជា​យើង​កើត​មាន​បញ្ហា (​ជម្ងឺ​ច្រើនយ៉ាង​) ច្រើន​បែប​តែ​មិន​អាច​បន្ទោស​ទៅ​លើ​អាហារ​តែមួយ​នោះ​បាន​ឡើយ គឺ​ទាំង​អារម្មណ៍ និង​ភាព​តប់ប្រមល់​ក្នុង​ខ្លួន​យើង​ផង​ដែរ ដែល​បណ្តាលឲ្យ​កើត​មាន​អាស៊ីដ​លើស​ពី​កម្រិត​ដែល​យើង​ត្រូវការ ។​

​ ​ម្ហូប​ភាគច្រើន ច្រើន​មាន​អាស៊ីដ​យ៉ាងច្រើន​ក្នុងនោះ វា​បង្ក​ឲ្យ​ខ្លួន​យើង​លេច​ធ្លាយ​កាល់ស្យូម (Cal Cium) និង​អាល់កាលី​ន (ALKALINE) ពី​ឆ្អឹង​របស់​យើង ក្នុង​បំណង​ជួយ​កម្រិត PH ឲ្យមាន​តុល្យភាព​មួយ​ជា​មធ្យម​ក្នុង​រាងកាយ​យើង ។​

​ ​ហេតុនេះ​វា​ជា​រឿង​មួយ​ចាំបាច់​ណាស់ ដែល​យើង​ត្រូវ​ពិសារ​ទឹក​អាល់កាលី​ន​ឲ្យបាន​រាល់​ថ្ងៃ ដើម្បី​ជា​ជំនួយ​ដល់​កង្វៈរ​បស់​អាល់កាលី​ន និង​ជួយ​បង្កើត​កម្រិត PH ឲ្យមាន​តុល្យភាព​ល្អ ។​

​ ​ការ​ពិសារ​ត្រឹម​តែ​ទឹក​មាន អាល់កាលី​ន អាច​ដោះស្រាយ​បញ្ហា​ជាច្រើន ដោយ​រួមទាំង​ព្យាបាល​ជម្ងឺ​មួយ​ចំនួន​ផងដែរ ។ យើង​ត្រូវ​ផឹកទឹក ALKALINE នេះ​ឲ្យបាន​ចំនួន ២-៣​លីត្រ ដែល​មាន​កម្រិត PH 9.5 ក្នុង ១​ថ្ងៃៗ ។​

​ ​យើង​ត្រូវ​ដឹង​ផង​ដែរ​ថា ទឹក ALKALINE មាន​ប្រភេទ​ច្រើនយ៉ាង​ខុសគ្នា យើង​អាច​ទិញ​ទឹក ION (ALKALINE) គេ​ផលិត​លក់​ស្រាប់​ឬ យើង​អាច​ធ្វើ​ដោយ​ខ្លួនឯង ដោយ​គ្រាន់តែ​យក​ទឹក​ធម្មតា​ចំនួន ៤​លីត្រ លាយ​ជាមួយ​ម្សៅ​សូ​ដា (Baking Soda) (​មាន​លក់​នៅ​ផ្សារ​ទំនើប​) ចំនួន ៣​ស្លាបព្រា​កាហ្វេ កូរ​ឲ្យ​រលាយ​ទុក​រយៈពេល ១៥​នាទី តែ​បន្ទាប់​ពី​លា​យ​ហើយ​ត្រូវ​គ្រប​ឲ្យ​ជិត​វិញ យើង​អាច​ដាក់​ទឹក​នេះ​ក្នុង​ទូទឹកកក​ផឹក ដោយត្រឹ​មចំនួន ៤​លីត្រ ក្នុង ១​ថ្ងៃ​បាន​ហើយ ពេល​ប្រើ​អស់​ត្រូវធ្វើ​ជា​ថ្មី (​តែ​ហាមផ្តាច់ មិន​ឲ្យ​ដាក់​ដប​ទឹក​ល្បាយ​នេះ​ក្នុង​កន្លែង​កក​របស់​ទូ​ទឹកកក​ឡើយ​) ។​

​ ​យើង​គួរ​ទម្លាប់​ពិសារ​ទឹក ALKALINE នេះ (​ទឹក​+​ម្សៅ​សូ​ដា​) ឲ្យបាន​រាល់​ថ្ងៃ​ រសជាតិ​របស់​វា​ស្រដៀងៗទឹក​សូ​ដា​ដែរ ។​

​ ​ក្រៅពី​នេះ​យើង​អាច​ទិញ​ទឹក​អាល់កាលី​ន​ដប​តូច បន្តក់​ចូលក្នុង​ទឹក​ដែល​ត្រូវ​ពិសារ​ក៏បាន តែ​នៅក្នុង​ប្រទេស​យើង​មិនដឹង​ថា​តាម​ហាង​លក់​ថ្នាំពេទ្យ​គេ​មាន​លក់​ដែរឬទេ ។​

​ ​នៅ​តាម​ហាង​ហ្គា​រ៉ា​សសាំង​ខ្លះ​មាន​លក់​ទឹក ION ម៉ាក POCARI SWEAT ទឹក​នេះ​គឺជា​ទឹក ALKALINE នោះឯង តែ​មាន​តម្លៃ​រហូត​ដល់ ១​ដប (​កន្លះ​លីត្រ​) ១​ដុល្លារ ។​

​ ​ការ​ពិសារ​ទឹក​នេះ​ឲ្យបាន​រាល់​ថ្ងៃ វា​អាច​ជួយ​បង្កើត​ឲ្យ​កម្រិត PH របស់​យើង​កើនឡើង តែ​វា​មិន​ធ្វើឲ្យ ALKALINE យើង​ឡើង​ហួស​កម្រិត​នោះ​ឡើយ សរី​រាង្គ​យើង​វា​ជា​អ្នកចាត់ចែង​រឿងនេះ​ សូម​កុំ​បារម្ភ​ឲ្យសោះ ។​

​ ​មន្ទី​ពេទ្យ​ធំៗ នៅ​អាស៊ី ភាគច្រើន​ប្រើប្រាស់​ត្រឹម​ឧបករណ៍​ផលិត IONIZED WATER (​ទឹក​អ៊ីយ៉ុង​) ដើម្បី​ព្យាបាល​អ្នក​ជម្ងឺ​ដោយ​មិន​មាន​ប្រើ​ថ្នាំ​សោះ បើ​ពិនិត្យ​ទៅ​ឃើញ​ថា​អ្នក​ជម្ងឺ​កើតរោគ​ដោយសារ​កង្វះ​របស់ ALKALINE ដោយ​រួមទាំង​រោគ​មហារីក,​ ទឹកនោមផ្អែម, សម្ពាត​ឈាម​ខ្ពស់, ជម្ងឺ​សន្លាក់ និង​ជម្ងឺ​ជាច្រើន​មុខ​ទៀត ។​

​ ​ស្ទើរ​នៅ​គ្រប់​មន្ទីរពេទ្យ​ល្បីៗ សុទ្ធសឹង​មាន​បំពាក់​ឧបករណ៍​ផលិត​ទឹក​អ៊ីយ៉ុង​នេះ សម្រាប់​ផ្តល់​ឲ្យ​អ្នកជម្ងឺ, គេ​អាច​ថែម​ទាំង​ផលិត​ទឹក​អ៊ីយ៉ុង ដែល​មាន​កម្រិត PH ត្រឹមតែ ២-៣ PH ដើម្បី​ព្យាបាល​អ្នក​កើត​ជម្ងឺ​នៅ​លើ​ស្បែក ។​

* ប្រយោជន៍​របស់​ទឹក ALKALINE សម្រាប់​មនុស្ស​:

​ ​១- មនុស្ស​គ្រប់រូប (​ពេញវ័យ​) ត្រូវ​ពិសារ​ទឹក​ឲ្យបាន​ចំនួន ២.៥​លីត្រ​ក្នុង ១​ថ្ងៃ ឬ​ដល់​ទៅ ៤​លីត្រ ដើម្បី​ឲ្យ​រូបរាងកាយ​យើង​ទទួល​បាន​ទឹក​គ្រប់គ្រាន់​ត្រឹមត្រូវ​តាម​តម្រូវការ ។​

​ ​* ទឹក​ដែល​យើង​យក​មក​ពិសារ​ចាំបាច់​ណាស់​ត្រូវ​តែ​ជា​ទឹក ដែល​ប្រកបដោយ​គុណភាព មាន​អា​នាម័យ គ្មាន​សារធាតុ​មិនល្អ ហេតុនេះ​ការ​ពិសារ​ទឹក​អាល់កាលី​ន គឺជា​ការចាំបាច់​ណាស់ ដើម្បី​ធ្វើឲ្យ​រាងកាយ​យើង​មាន​សុខភាព​ល្អ ។​

​ ​* ប្រភេទ​ទឹក​មួយ​បែប​ទៀត​ហៅថា ION WATER គឺជា​ប្រភេទ​ទឹក​ដែល​រកបាន ​ដំណើការ​វា​តាម​វិធី​បំបែក​យក​ទឹក ALKALINE ចំនួន 70% ចំណែក 30% ទៀត​គឺជា​ទឹក​ដែល​មាន​ជាតិ​អាស៊ីដ​ច្រើន ។ 70% នៃ​ទឹក​ដែល​មាន​អាល់កាលី​ន ត្រូវបាន​គេ​លក់​សម្រាប់​ទឹក​ពិសារ ចំណែក​ទឹក 30% ទៀត​ត្រូវបាន​គេ​ប្រើ​សម្រាប់​ព្យាបាល​រោគ​លើ​ស្បែក​ច្រើន​ប្រភេទ សម្រាប់​កូនក្មេង​ដល់​មនុស្ស​ធំ ។

​ ​* ពិសា​ទឹក​អាល់កាលី​ន អាច​ជួយ​មិន​ឲ្យ​មហារីក​មាន​សកម្មភាព​ដោយ​សេរី ក្នុង​ករណី​ខ្លះ​ត្រូវបាន​គេ​រាយការណ៍​ថា អាច​ព្យាបាល​អ្នកមាន​រោគ​មហារីក​បាន (​តែ​គ្មាន​ភ័ស្តុ​ង​តាង​ណាមួយ​អាច​បញ្ជាក់​ពីបញ្ហា​នេះ​បាន​ច្បាស់​ឡើយ​) ។​

​ ​* ជួយ​ធ្វើឲ្យ​រាងកាយ​មាំមួន ប្រឆាំង​ទប់​ជាមួយ​ជម្ងឺ​មួយចំនួន​

​ ​* ដោយហេតុ​ថា មូលី​គុល របស់​ទឹក​អាល់កាលី​ន​មាន​ទំហំ​តូច​ជាង ទំហំ​មូលី​គុល​របស់​ទឹក​ធម្មតា ជា​ហេតុ​ធ្វើឲ្យ​វា​អាចជ្រៀត​ចូល​ក្នុង​សាច់​, ស​សៃ​, យើង​បាន​គ្រប់​ទីកន្លែង ដែល​ទឹក​យើង​ធម្មតា​មិន​អាច​ទៅដល់ ។​

​ ​* ទឹក​អាល់កាលី​ន មាន​ផ្ទុក​ដោយ Antioxidant ដែល​ត្រូវបាន​គេ​ជឿ​ថា អាច​ជួយ​ការពារ​រោគ​មហារីក មិន​ឲ្យ​កើតមាន​ឡើង​បាន ។​

​ ​* កោសិកា​មហារីក មិន​អាច​រស់​បាន​នៅទីណា ដែល​មាន​អុកស៊ីហ្សែន​ឡើយ ។ ជាធម្មតា​កោសិកា​មហារីក គឺជា​ពពួក Fungue ដែល​មិន​ត្រូវការ​អុកស៊ីហ្សែន នៅ​ខណៈពេលដែល​ទឹក​អាល់កាលី​ន ដែល​មាន​មូលី​គុល​តូច​ជាង​ទឹក​ធម្មតា ហើយ​មាន​ផ្ទុក​ដោយ​អុកស៊ីហ្សែន​យ៉ាងច្រើន អាច​ជ្រាប​ចូលដល់​គ្រប់​ទីកន្លែង​នៃ​ខ្លួនប្រាណ​យើង វា​បាន​នាំយក​អុកស៊ីហ្សែន​ទៅ​ប្រឈមមុខ​ជាមួយ​កោសិកា​មហារីក បណ្តាល​ឲ្យ​កោសិកា​មហារីក មិន​អាច​រស់​បាន​តទៅទៀត ពីព្រោះ​វា​បាន​ប៉ះ​ផ្ទាល់​ជាមួយ​អុកស៊ីហ្សែន ធ្វើឲ្យ​កោសិកា​មហារីក​ចុះខ្សោយ ហើយ​បញ្ឈប់​ការរីក​រាលដាល និង​គ្មាន​សកម្មភាព​អ្វី​ទៀត​បាន វា​ស្លាប់​ម្តង​បន្តិចៗ រហូត​គ្មាន​នៅសល់​ទៀត ។​

​ ​* ទឹក​អាល់កាលី​ន និង​បំផ្លាញ​ពពួក​បាក់តេរី​មិនល្អ ទាំងឡាយ​ដែល​មាន​នៅក្នុង​ខ្លួន​យើង កុំ​ឲ្យធ្វើ​សកម្មភាព​បាន និង​មិន​ឲ្យ​រី​ករាលដាល​បាន ។​

​ ​ក្រុម​ពួក​អ្នកវិទ្យាសាស្ត្រ​នៅ​ប្រទេស​កូរ៉េខាងត្បូង និង​ប្រទេស​ជប៉ុន​បាន​រកឃើញថា ការ​ពិសារ​ទឹក​អាល់កាលី​ន មិន​ត្រឹមតែ​ជួយ​ការពារ​យើង​ពីរ​រោគ​មហារីកប៉ុណ្ណោះ​ទេ ប៉ុន្តែ​ថែម​ទាំង​រកឃើញ​ទៀតថា នៅ​រាល់ពេល​យើង​ងូតទឹក (​ទឹក​ក្នុង​បាញ់​ញ័រ​) (Bathtube) នៅក្នុង​អាង​ងូតទឹក​គួរ​ថែម​ទឹក ALKALINE ចំនួន ៤ ទៅ ៥​លីត្រ ផង​វា​នឹង​ជួយ​ការពារ​យើង​ពី​រោគ​មហារីក​ដោយ​ការ​ជ្រាប​តាម​ស្បែក ពីព្រោះ​អុក​ស៊ី​ហ្សែនអាច​ជ្រាប​តាម​ស្បែក​ទៅ​បង្ក្រាប​កោសិកា​មហារីក​បាន គឺ​ទាំង​ពីរ ​ស្បែក និង​ក្នុង​ខ្លួន​យើង ។​

​ ​ឯ​វិធី​បន្ថែម ALKALINE ទៅ​នឹង​ទឹក​ងូត​នោះ​គឺ​ងាយ​បំផុត ដោយ​គ្រាន់តែ​ច្របាច់​ទឹក​ក្រូចឆ្មា​ខៀវ ឬ​លឿង​ចូល​ក្នុង​ទឹកដែល​យើង​ងូត​ឲ្យបាន​ចំនួន ១០​ផ្លែ គឺ​គ្រប់គ្រាន់​អាច​ធ្វើឲ្យ​ទឹក​មាន​អាល់កាលីន អាច​ឲ្យ​យើង​ងូត​បាន​ហើយ ។​

​ ​* ទឹក​ពិសា​អាល់កាលី​ន ជួយ​កាត់បន្ថយ​ជាតិពុល​នៅក្នុង​ថ្លើម និង​តម្រងនោម (Kidney) របស់​យើង​ធ្វើឲ្យ​ថ្លើម​មាន​សុខភាព​ល្អ ធ្វើឲ្យ Kidney ដំណើរការ​បាន​ស្រួល ។​

​ ​* ទឹក​ពិសា​អាល់កាលី​ន និង​ទឹក​ដែល​មាន​សារធាតុ​រ៉ែ ដែល​គេ​ស្គាល់​ថា​ជា​ទឹក​ពិសារ​មីនឺ​រ៉ល់ នោះ​គឺ​មានសារៈសំខាន់​ខ្លាំងណាស់ សំរាប់​សុខភាព​ប្រចាំថ្ងៃ អាយុ​យឺនយូរ និង​កាត់បន្ថយ​បាន​នូវ​ជម្ងឺ​ជាច្រើន​ប្រភេទ ។​

​ ​* ធ្វើឲ្យ​មនុស្ស​យើង​មាន​កម្លាំង​មាំមួន គំនិត​ភ្លឺ​ថ្លា ពីព្រោះ​តែ​អុកស៊ីហ្សែន​អាច​ជ្រៀត​ចូលដល់​គ្រប់​ទីកន្លែង​នៃ​រាងកាយ ។​

​ ​- បង្កើន​កម្លាំង​

​ ​- បន្ថយ​ភាព​តប់ប្រមល់ (Stress)

​ ​- បង្កើន​ប្រព័ន្ធ​ការពារ​ខ្លួន (Immune System)​ ​

​ ​- កាត់បន្ថយ​ជាតិពុល​ចេញពី​ក្នុង​ឈាម​

​ ​- ជួយ​ឲ្យ​ខួរក្បា​លមាន​សកម្មភាព​ល្អ​

​ ​- បង្កើន​ប្រាជ្ញា​ស្មារតី​

​ ​- ជួយ​ឲ្យ​ដេក​លក់​បាន​ស្រួល​

​ ​- ធ្វើឲ្យ​ស្បែក​ស្រស់ថ្លា​

​ ​- ជួយ​ធ្វើឲ្យ​ខ្លួន​យើង​ស្រស់ស្រាយ​

​ ​- ការពារ​ការកើនឡើង​នៃ Lactie Acid ពី​ការ​ហាត់ប្រាណ​

​ ​- បង្កើន​ភាព​រំញោច​ប្រសើរ​ជាង​មុន ចំពោះ​រាងកាយ​

​ ​- កាត់បន្ថយ​ភាព​ល្ហិត​ល្ហៃ​

​ ​- កាត់បន្ថយ​ការឈឺ​ក្បាល​

​ ​ពិសា​ទឹក​អាល់កាលី​ន​អាច​ជួយ​ឲ្យ​យើង​ចៀសផុត​ពី​ជម្ងឺ រស់​បាន​យូរ មាន​សុខភាព​ល្អ ជួយ​ឲ្យ​រាងកាយ​មាំមួន ។​

​ ​យើង​សូម​បង្ហាញ​ជា​ថ្មី​ពី​វិធី​ផលិត​ទឹក​អាល់កាលី​ន ដែល​អាច​ធ្វើ​បាន​ដោយ​ខ្លួនឯង​

​ ​- មុន​ពេល​ពិសា​ទឹក​ត្រូវ​ច្របាច់​ទឹក​ក្រូចឆ្មា​ដាក់ចូល ទឹកក្រូច​ក្រូចឆ្មា​គ្រប់​ប្រភេទ មាន​អាល់កាលី​ន​យ៉ាងច្រើន​

​ ​- យើង​អាច​ច្របាច់​ទឹក​ក្រូចឆ្មា​ដាក់ចូល​ក្នុង​ទឹក​ពិសា ទុក​សម្រាប់​ពិសា ពេល​ក្រោយ​ក៏បាន​

​ ​- ប្រើ​ម្សៅ​សូ​ដា ចំនួន 1/2 ស្លាបព្រា​កាហ្វេ ទឹក ៤​លីត្រ សម្រាប់​ពិសា អាច​ធ្វើ​ទុក​សម្រាប់​ពិសា សម្រាប់ ១​ថ្ងៃៗ (​ធ្វើ​ម្តង ១០ ទៅ ២០ លីត្រ សម្រាប់​ក្រុម​គ្រួសារ​)

​ ​- ទិញ​ទឹក ION បន្តក់ មាន​លក់​នៅ​ហាង​ហ្វា​ម៉ា​ស៊ី​ខ្លះ​សម្រាប់​បន្តក់​ដាក់ចូល​ក្នុង​ទឹក​មុនពេល​ពិសា​

​ ​- ទិញ​ឧបករណ៍​ផលិត​ទឹក អាល់កាលី​ន ដែល​មាន​តម្លៃ​ចាប់ពី ៣០០​ដុល្លារ ឡើងទៅ ។​

​ ​ទិញ​ទឹក POCARY SWEAT មាន​លក់​នៅ​ហាង​សាំង​តូ​តាល់ ១​ដប​តម្លៃ ១​ដុល្លារ ។​

​ ​* វិធី​ដែល​ងាយ​ជាងគេ​បំផុត​គឺ​ប្រើ​ទឹក​ក្រូចឆ្មា​ច្របាច់​ដាក់​ក្នុង​កែវ​ទឹក មុន​ពេល​ពិសា ពីព្រោះ​វា​ចំណាយ​តិច តែ​មិនសូវ​មាន​ប្រសិទ្ធភាព​ល្អ​ទេ ។​

​ ​* ទឹក​ដែល​យើង​ងូត​ត្រូវ​ច្របាច់​ទឹក​ក្រូចឆ្មា​ដាក់ ឬ​ដាក់​ម្សៅ​សូ​ដា ១​ស្លាប​ព្រា​បាយ ស្មើ​ទឹក ១០​លីត្រ ។​

​(​ទឹក​ដែល​ដាំ​ឆ្អិន​គ្មាន​មេរោគ​មែន តែ​បាត់បង់​អុកស៊ីហ្សែន​អស់ គួរ​ទុក​ឲ្យ​ត្រជាក់​ល្មម​រួច​ច្របាច់​ក្រូ​ឆ្មា​ដាក់​)​

'ដើម្បីសុខភាពល្អ យើងត្រូវធ្វើយ៉ាងណាឲ្យ PH របស់យើងលើសពីកម្រិតធម្មតាបន្តិច នោះយើងយើងអាចឈ្នះជម្ងឺជាច្រើនមុខ និងមានសុខភាពល្អ មិនងាយទទួលជម្ងឺឡើយ ។'

​ ​ឯកសា​រយោង​:

- watercure.com

​ ​- alkaline.org

​ ​- mayoclinic.com/health/alkaline-water/an1800

ឬអាច Search តាម google រកពាក្យ IONIZED Water ឬ Alkaline water

(ដកស្រង់ចេញពីគេហទំព័រ ខេមបូឌាអេចបេ្រសញូស៍)