រាជធានីភ្នំពេញ ៖ កាលពីព្រឹកថ្ងៃទី១១ ខែមិថុនា អាជ្ញាធរខណ្ឌទួលគោក រួមមានប៉ូលិស និងកងរាជអាវុធហត្ថ បាននាំយកគ្រឿងចក្រទៅកាយគាស់យកគំរបលូ ដែលប្រជាពលរដ្ឋរស់នៅតាមមាត់ប្រឡាយបឹងសាឡាងសាងសង់ខុសលក្ខណៈបច្ចេក ទេសជាហេតុបង្កឱ្យមាត់ប្រឡាយត្រូវទឹកហូរ ច្រោះបាក់ដី ។ លោកសាំង សុភៈវិចិត្រ អភិបាលរងខណ្ឌ ទួលគោកបានឱ្យដឹងថា តាមការណែនាំរបស់ លោកសេង រតនៈ អភិបាលខណ្ឌ មន្ដ្រីជំនាញ បានហាមប្រជាពលរដ្ឋដែលរស់នៅតាមមាត់ ប្រឡាយបឹងសាឡាងមិនឱ្យធ្វើគំរបគ្របលើ លូ.ទដែលអង្គការចៃកាជប៉ុនធ្វើលូនេះតាម មាត់ប្រឡាយទេដើម្បីការពារកុំឱ្យទឹកភ្លៀងហូរច្រោះបាក់ដីបង្កឱ្យខូចខាតផ្លូវមាត់ ប្រឡាយ ។កន្លងមក អាជ្ញាធរសង្កាត់-ខណ្ឌ បានចុះណែនាំនិងចេញសេចក្ដីជូនដំណឹងដល់ ប្រជាពលរដ្ឋមិនឱ្យធ្វើគំរបគ្របពីលើលូ.ទ នោះទេ ព្រោះខុសលក្ខណៈបច្ចេកទេស តែ បងប្អូនប្រជាពលរដ្ឋមិនស្ដាប់ការណែនាំ ហើយនៅតែចាក់បេតុងធ្វើគំរបលូបង្កឱ្យទឹក ភ្លៀងហូរច្រោះដីបាក់មាត់ប្រឡាយ ។ លោកអភិបាលរងខណ្ឌបន្ដទៀតថា លូនេះតាមបច្ចេកទេសមិនមានគំរបទេគឺ ទុកឱ្យទឹកភ្លៀងហូរចូល និងហាមបង្ហូរទឹក ស្អុយចូល ហើយដោយសារមានការធ្វើគំរប លូខុសលក្ខណៈបច្ចេកទេសនោះហើយទើប អាជ្ញាធរយកគ្រឿងចក្រទៅកាយចេញ។
នៅ ព្រឹកនោះដែរ លោកសាំង សុភៈវិចិត្រ ក៏បាន ណែនាំដល់ប្រជាពលរដ្ឋឱ្យនាំគ្នាធ្វើគំរបដែក ពីលើដែលអាចធ្វើដំណើរឆ្លងកាត់បាន និងអាចឱ្យទឹកភ្លៀងហូរចូលបាន មិនធ្វើឱ្យ ហូរឆ្លងកាត់ផ្លូវជាហេតុបង្កឱ្យច្រោះបាក់ដីខូច មាត់ប្រឡាយ ។ លោកទូច ម៉េង ស្រ៊ាង ចៅសង្កាត់បឹងសាឡាងបានឱ្យដឹងថា ដើម្បីការពារផ្លូវមាត់ប្រឡាយកុំឱ្យខូចនិង ដើម្បីលើកកំពស់បរិស្ថានជុំវិញមាត់ប្រឡាយ អាជ្ញាធរសង្កាត់បានចុះទៅគាស់គំរបលូដែល ធ្វើខុសលក្ខណៈបច្ចេកទេសព្រមទាំងណែនាំ ប្រជាពលរដ្ឋមិនឱ្យបង្ហូរទឹកស្អុយចូលលូ.ទ នេះជាច្រើនលើកមកហើយ ។(ដកស្រង់ចេញពីគេហទំព័រ កាសែតកោះសន្តិភាព)
No comments:
Post a Comment