ឧបនាយករដ្ឋមន្ដ្រីថៃ លោកស៊ូថេប ធឿកស៊ូបាន់ កាលពីថ្ងៃទី១១ មិថុនា បានទទូចសុំឱ្យក្រុមបាតុករអាវក្រហម ដែលគាំទ្រលោកថាក់ស៊ីន ស៊ីណាវ៉ាត្រា អតីតនាយករដ្ឋមន្ដ្រី ដែលមានប្រជាប្រិយភាពចូលរួមផែនការផ្សះផ្សាជាតិ ដែលស្នើឡើង ដោយលោកនាយករដ្ឋមន្ដ្រីអាប់ភីស៊ីតដើម្បីឱ្យសំរេចបានគោលដៅក្នុងការស្ដារសុខសន្ដិភាពក្នុងប្រទេស ។ លោកស៊ូថេប ថ្លែងថា ក្រុមអាវក្រហមដែលប្រឆាំងរដ្ឋាភិបាលរបស់លោកនាយករដ្ឋមន្ដ្រីអាប់ភីស៊ីត គួរតែកុំយល់ឃើញថា អ្នកស្នេហាជាតិជាគូទំនាស់របស់ខ្លួន ហើយផ្ទុយទៅវិញ ពួកគេគួរតែចូលរួមផែនការផ្សះផ្សាជាតិរបស់លោកអាប់ភីស៊ីត ហើយបង្ហាញពីអារម្មណ៍របស់ពួកគេចំពោះអ្វីដែលពួកគេចង់ឱ្យលោកអាប់ភីស៊ីតធ្វើ ។លោកឧបនាយករដ្ឋមន្ដ្រីស៊ូថេប ថ្លែងថា ក្រុមអាវក្រហមជាពិសេសមេដឹកនាំរបស់ពួកគេតែងតែស្ដីបន្ទោសរដ្ឋាភិបាលរបស់លោកអាប់ភីស៊ីត តាមពិតរដ្ឋាភិបាលលោកអាប់ភីស៊ីត គ្រាន់តែចង់នាំអ្នកដែលធ្វើខុស មកកាត់ទោសប៉ុណ្ណោះ និងចង់ផ្សះផ្សាជាតិដើម្បីពលរដ្ឋទូទាំងប្រទេស ៕
(ដកស្រង់ចេញពីគេហទំព័រ កាសែតកោះសន្តិភាព)
No comments:
Post a Comment