អង្គការ​សិទ្ធិ​មនុស្ស​ទាមទារ​ឲ្យ នាយក​រដ្ឋ​មន្រ្តី​ថៃ​ធានា​ការ​ស៊ើប​អង្កេត ឯករាជ​មួយ

អង្គការ​សិទ្ធិមនុស្ស Amnesty Internation (រូបភាព​៖ AFP)

ក្រុមអង្គការសិទ្ធិមនុស្ស Amnesty International បានទាមទារឲ្យ​នាយករដ្ឋមន្រ្តីថៃធានាឲ្យបាននូវការស៊ើបអង្កេតដោយឯករាជនិងមិនលំអៀងទៅ លើ ស្ថានភាពចលាចលដែលកើតមាននាពេលថ្មីៗកន្លងមកនេះនៅក្នុងប្រទេស ហើយក៏បានទាមទារឲ្យដកច្បាប់គ្រាមានអាសន្នជាបន្ទាន់ផងដែរ។

លោកនាយករដ្ឋមន្រ្តីថៃ Abhisit Vejjajiva ត្រូវគេសាកសួរទាក់ទងនឹងកំហុសឆ្គងដែលបានធ្វើឲ្យស្លាប់មនុស្សចំនួន ៩០នាក់​ក្នុង​អំឡុង​ពេល​នៃ​ការប៉ះទង្គិចគ្នារវាងកងយោធាថៃជាមួយនឹងក្រុមបាតុករប្រឆាំងរដ្ឋាភិបាលដែលគេស្គាល់ថាជាក្រុមអាវក្រហមនោះ។

ការសាកសួរនេះបានផ្តើមឡើងដោយអតីតមេធាវីម្នាក់។

ប៉ុន្តែលោក Claudio Cordone អគ្គលេខាធិការស្តីទីរបស់អង្គការ Amesty International បាននិយាយថា ការស៊ើបអង្កេតនេះ គួរតែមាន​ភាព​ជា​ឯករាជ ពីភាគីទាំងពីរដែលពាក់ព័ន្ធនឹងការប៉ះទង្គិចគ្នាកន្លងមកនេះ៕

(ដកស្រង់ចេញពីគេហទំព័រ វិទ្យុអូស្ត្រាលី)