តំលៃមាសកាលពីថ្ងៃទី៨ មិថុនា បានឡើងខ្ពស់បំផុតពុំធ្លាប់មានពីមុនមកដល់លើសពី១.២៥០ដុល្លារក្នុងមួយអោន ONE (ជាង៨ជី) ដោយពួកអ្នកវិនិយោគមានការភ័យខ្លាចលើភាពផុយស្រួយនៃការងើបឡើងវិញរបស់សេដ្ឋកិច្ចពិភពលោកមកលើវិបត្ដិឥណទាននៅអឺរ៉ុប ។ មាសដុំបានឡើងថ្លៃដល់១.២៥១,២០ដុល្លារ ក្នុងមួយអោន ។ កាលពីថ្ងៃទី៨ មិថុនាកន្លងមកនេះ ទីភ្នាក់ងារFITCH វាយតំលៃថា អង់គ្លេសត្រូវបង្ហាញទិសដៅនានា កាត់បន្ថយឱនភាពថវិកាក្នុងរយៈពេលខ្លី ។ ឱនភាពថវិការបស់អង់គ្លេសតំណាងឱ្យ ១១% នៃផលទុនជាតិសរុបPIB ហើយបើយោងតាមទីភ្នាក់ងារ FITCH ផែនការរបស់រដ្ឋាភិបាលអង់គ្លេសមុន ហាក់ដូចជាមិនគ្រប់គ្រាន់ឡើយ បើប្រៀបធៀបទៅនឹងទិសដៅទាំងឡាយប្រកាសដោយអេស្ប៉ាញព័រទុយហ្គាល់ និងអ៊ីតាលី ៕(ដកស្រង់ចេញពីគេហទំព័រ កាសែតកោះសន្តិភាព)
No comments:
Post a Comment