James Cameron ដែលជាអ្នកដឹកនាំរឿងដ៏ល្បីរបស់ Hollywood ដូចជារឿង Titanic និង Avanta មានគោលបំណងចង់ជួយក្នុងការសម្អាតប្រេងដែលបានហៀរនៅក្នុងឈូងសមុទ្រប្រទេស Mexico ។អ្នកដឹកនាំរឿងដ៏ល្បីរូបនេះ បានចុះទៅផ្ទាល់ នៅកន្លែងដែលបានហៀរប្រេងនោះ ហើយលោកក៏បានជួយ ទាំងកម្លាំងចិត្ត និងកម្លាំងកាយ ព្រមទាំងថវិការដើម្បី ពង្រួមការបំផ្លិតបំផ្លាញ ដែលបណ្តាលមកពីបញ្ហានេះ។ ស្របពេលជាមួយគ្នានេះដែរ លោកក៏បានពិភាក្សាជាមួយ ក្រុមវិស្វករ និងអ្នកឯកទេសជាច្រើនទៀត ដើម្បីរកវិធានការទប់ស្កាត់ និងសម្អាតប្រេងដែលបានធ្លាយហៀរ នៅក្នុងឈូងសមុទ្រប្រទេស Mexico នោះ។
(ដកស្រង់ចេញពីគេហទំព័រ នគរវត្ត)
ក្រសួងកិច្ចការសាធារណៈនៃរដ្ឋ GUERRERO របស់ម៉ិចស៊ិករាយការណ៍កាលពីថ្ងៃទី៧ មិថុនា ថា សរុបសាកសពមនុស្ស៥៥ នាក់ត្រូវបានគេយកចេញពីរណ្ដៅរួមលួចលាក់មួយក្នុងរដ្ឋនេះ ស្ថិតនៅភាគខាងត្បូងប្រទេសរាតត្បាតដោយសង្គ្រាមរបស់ពួកស្ដេចរត់ពន្ធគ្រឿងញៀន ។ រណ្ដៅរួមនេះត្រូវបានរកឃើញនៅមាត់អណ្ដូងរ៉ែមួយដែលមានជំរៅជាង១០០ម៉ែត្ររកឃើញកាលពី១សបា្ដហ៍មុនក្នុងភូមិទេសចរណ៍តាក់កូ ។ អ្នកទទួលខុសត្រូវរូបនេះបន្ដថា គិតមកដល់យប់ថ្ងៃទី៥ មិថុនា ចំនួនសាកសពសរុបដែលទាញយកចេញពីរណ្ដៅនេះមាន៥៥នាក់ ហើយការងាររុករកត្រូវបានបញ្ចប់ ។ ក្នុងចំណោមសាកសពមនុស្សទាំង៥៥នាក់ មាន សាកសពតែ៤ប៉ុណ្ណោះ អាចកំណត់ដឹងអត្ដសញាណ ក្នុងនោះរួមមានសាកសពរបស់នាយកពន្ធនាគារមួយផង ។ សាកសពមនុស្ស ទាំងនេះអាចត្រូវគេនាំយកទៅទំលាក់ក្នុងរណ្ដៅមួយរយៈពេល៦ខែចុងក្រោយនេះ ។