យោងតាមការសិក្សាថ្មីមួយនៅប្រទេសដាណឺម៉ាក បានឲ្យដឹងថា បុរសៗដែលទទួលទានភេសជ្ជកូកាកូឡា ប្រហែលមួយលីត្រក្នុមួយថ្ងៃ អាចប៉ះពាល់ដល់ទឹកកាម ។ ជាមធ្យមបរិមាណទឹកកាមរបប់បុរសក្រុមនេះ មានជិត៣០ភាគរយតិចជាង ក្រមបុរសដែលមិនបានផឹកកូកាកូឡានោះ ។ ខណៈពេលបរិមាណទឹកកាមភាគច្រើនបំផុត នឹងនៅតែត្រូវបានចាត់ទុកថា មានលក្ខណៈធម្មតា ដោយអង្គការសុខភាពពិភពលោកនោះ បុរសដែលមានទឹកកាមតិចតួច ជាធម្មតាប្រឈមនឹងអត្រាមិនអាចមានកូនខ្ពស់ ។
ក្រុមអ្នកស្រាវជ្រាវនិយាយថា ទំនាក់ទំនងនេះមិនទំនងជាដោយសារ ជាតិកាហ្វេអ៊ីនទេ ពីព្រោះកាហ្វេមិនាមនឥទ្ធិពលដូច្នេះទេ បើទោះណាបរិមាណជាតិកាហ្វេអ៊ីនរបស់វា មានកម្រិតខ្ពស់ក៏ដោយ ។ ផ្ទុយទៅវិញធាតុផ្សំផ្សេងទៀតទៅនឹងភេសជ្ជ ឬរបៀបរស់នៅដែលមិនប្រកបដោយសុខភាពអាចពាក់ព័ន្ធ ។ លោក ខូល ជេនសេន ដែលដឹកនាំការស្រាវជ្រាវថ្មីនេះ បាននិយាយថា មានការសិក្សាតែពីរបីប៉ុណ្ណោះ បានពិនិត្យមើលផលប៉ះពាល់ លើសុខភាពន្តពូជរបស់បុរស ។ ជាទូទៅអ្នកចូលរួមគឺជាក្រុមសំរាំង ដូចជាបុរសដែលមិនអាចបន្តពូជបាន ហើយលទ្ធផលមានភាពផ្ទុយគ្នា ។
ដោយសារយុវជនដាណឺម៉ាក បានបង្កើនការទទួលទានជាតិកាហ្វេអ៊ីន ដែលមានផ្ទុកនៅក្នុងភេសជ្ជ ដែលគ្មានជាតិអាល់កុល រយៈពេល១០ឆ្នាំចុងក្រោយនោះ ក្រុមអ្នកស្រាវជ្រាវបានសម្រេចធ្វើការសិក្សា ពីរបៀបដែលភេសជ្ជប្រភេទនេះ ប៉ះពាល់ដល់សុខភាពបន្តពូជរបស់ពួកគេ ។ បុរសវ័យក្មេងជាង២៥០០នាក់ ត្រូវបានបញ្ចូលទៅក្នុងការសិក្សានេះ ។ អ្នកដែលមិនទទួលទានកូកាកូឡាមានគុណភាពទឹកកាមល្អ ជាមធ្យមមានមេជីវិត ៥០លានក្នុងទឹកកាមមួយមីលីលីត្រ និងមានរបៀបរស់នៅប្រកបដោយសុខភាព ផ្ទុយទៅវិញបុរស៩៣នាក់ ដែលផឹកកូកាជាងមួយលីត្រក្នុងមួយថ្ងៃ មានមេជីវិតតែ៣៥លានក្នុងទឹកកាមមួយលីត្រ ។
គេមិនទាន់ច្បាស់ថា តើកូកាកូឡា ឬក៏របៀបរស់នៅដែលមិនប្រកបដោយផាសុខភាព ឬក៏កត្តាទាំងពីរនេះ ដែលត្រូវបន្ទោសដែរឬយ៉ាងណា ក្រុមអ្នកវិទ្យាសាស្ត្របាននិយាយថា ចាំបាច់ត្រូវមានការស្រាវជ្រាវបន្ថែមទៀត ៕
ដកស្រង់ចេញពីគេហទំព័រ ខេមបូឌាអេចបេ្រសញូស៍)
No comments:
Post a Comment