ការស្រាវជ្រាវបានរកឃើញថា ការជក់បារីត្រូវបានគេដឹងជាយូរមកហើយថា ប៉ះពាល់ដល់សួតនិងបង្កឲ្យមានជំងឺបេះដូងប៉ុន្តែវាក៏អាចធ្វើឲ្យភាពឆ្លាតវៃរបស់អ្នកចុះខ្សោយផងដែរ ។ យោងតាមការសិក្សាមួយទៅលើក្រុមមនុស្សពេញវ័យ ២០.០០០នាក់ បានឲ្យដឹងថា យុវវ័យដែលជក់បារីជាប្រចាំទំនងជា ធ្វើឲ្យកម្រិតភាពឆ្លាតវៃចុះខ្សោយ ច្រើនជាងអ្នកដែលមិនជក់បារី ហើយកាលណាគេកាន់តែជក់ច្រើនឡើង ភាពឆ្លាតវៃរបស់ពួកគេកាន់តែថយចុះ ។ អ្នកដែលជក់បារីមួយកញ្ចប់ក្នុងមួយថ្ងៃ ឬច្រើនជាងនេះក្នុងមួយថ្ងៃគិតជាមធ្យម មានពិន្ទុដែលវាយតំលៃ លើភាពឆ្លាតវៃ៧កន្លះ ទាបជាងអ្នកដែលមិនជក់បារី ។ ជាពិសេសអ្នកជក់បារីដែលមានវ័យពី ១៨ឆ្នាំទៅ២១ឆ្នាំ ត្រូវបានគេរកឃើញថា មានពិន្ទុដែលវាយតំលៃលើភាពឆ្លាតវៃ ៩៤ចំណែកអ្នកមិនជក់បារី ដែលមានអាយុដូចគ្នាជាមធ្យមទទួលពិន្ទុ ១០១ ។
អ្នកដែលជក់បារីច្រើនជាងមួយកញ្ចប់ក្នុងមួយថ្ងៃ មានពិន្ទុដែលវាយតំលៃលើភាពឆ្លាតវៃទាបត្រឹមប្រហែល ៩០ ។ ពិន្ទុដែលវាយតំលៃលើភាពឆ្លាតវៃជាមធ្យម មានចាប់ពី៨៤ ដល់១១៦ពិន្ទុ ។ ជាក់ស្តែងបងប្អូនប្រុសពីរនាក់ មានពិន្ទុខុសគ្នាអាស្រ័យទៅលើ ថាតើពួកគេជក់បារីឬក៏អត់ ។ លទ្ធផលនេះកើតឡើងពីការសិក្សាមួយទៅលើបុរសវ័យក្មេង ២០.០០០នាក់ ដែលធ្វើឡើងដោយមជ្ឈមណ្ឌល Sheba Medical Center នៅមន្ទីរពេទ្យ Tel Hashomer នៅក្នុងប្រទេសអ៊ីស្រាអែល ។
វេជ្ជបណ្ឌិត ម៉ាក វេលឺ ដែលដឹកនាំការស្រាវជ្រាវនេះ បាននិយាយថា ប្រាកដទេថាការជក់បារីធ្វើឲ្យពិន្ទុវាយតំលៃលើភាពឆ្លាតវៃធ្លាក់ចុះ ឬថាតើមនុស្សដែលមិនសូវឆ្លាត គ្រាន់តែមានទំនោរទៅរកការជក់បារីឬយ៉ាងណា ។ លោកបាននិយាយថា “ វាពិតជាការសិក្សាដោយត្រង់ៗ ” ។ លោក វេសឺ បាននិយាយថា ការសិក្សានេះអាចត្រូវបានប្រើ ដើម្បីទប់ស្កាត់ការជក់បារី នៅចំណោមយុវវ័យ ដោយផ្តោតគោលដៅទៅលើអ្នកដែលមានពិន្ទុ វាយតំលៃភាពឆ្លាតវៃទាប ។
នៅក្នុងឆ្នាំ២០០៤ ក្រុមអ្នកស្រាវជ្រាវមកពី University of Aberdeen បានរកឃើញជាលើកដំបូងនូវទំនាក់ទំនង ដែលមានរវាងការជក់បារីនិងការថយចុះមុខងារខួរក្បាល ។ អ្នកជក់បារីទទួលបានពិន្ទុទាបក្នុងការធ្វើតេស្ត ជាអ្នកធ្លាប់ជក់ពីមុន និងអ្នកមិនដែលជក់សោះ ៕
(ដកស្រង់ចេញពីគេហទំព័រ ខេមបូឌាអេចបេ្រសញូស៍)
No comments:
Post a Comment