រាជធានីភ្នំពេញ ៖ ស្ថានទូតឥណ្ឌាប្រចាំ នៅកម្ពុជាគ្រោងនឹងផ្ដល់ថវិកាឱ្យរាជបណ្ឌិត្យសភាកម្ពុជា ដើម្បីរៀបចំធ្វើសន្និសីទ ព្រះពុទ្ធសាសនានៅកម្ពុជាដែលមានឫសគល់ ចេញពីប្រទេសឥណ្ឌា ដោយសន្និសីទនោះ គ្រោងនឹងធ្វើឡើងនៅថ្ងៃទី២ និងទី៣ ធ្នូ នៅរាជបណ្ឌិត្យសភាកម្ពុជា ។លោករ៉ា ជេសកុមារស័កដេវា ឯកអគ្គ រដ្ឋទូតឥណ្ឌាប្រចាំនៅកម្ពុជាបានអញ្ជើញទៅ ជួបលោកជំទាវបណ្ឌិតខ្លូត ធីតា ប្រធាន រាជបណ្ឌិត្យសភាកម្ពុជានៅរាជបណ្ឌិត្យសភាកម្ពុជាកាលពីថ្ងៃទី១១ មិថុនា ដើម្បីពិភាក្សា អំពីគំរោងការនៃការរៀបចំធ្វើសន្និសីទនេះ ។គំរោងសន្និសីទនេះត្រូវបានគេហៅថា សន្និសីទអន្ដរជាតិលើកទីមួយស្ដីអំពីមរតកព្រះពុទ្ធសាសនានៅអាស៊ីអាគ្នេយ៍ រៀបចំ ឡើងដោយរាជបណ្ឌិត្យសភាកម្ពុជា ក្រោម ការឧបត្ថម្ភថវិកាពីស្ថានទូតឥណ្ឌាប្រចាំនៅកម្ពុជា ។ សន្និសីទនេះ ធ្វើឡើងរយៈពេល ២ថ្ងៃ គឺចាប់ពីថ្ងៃទី២ ដល់ទី៣ ធ្នូ ឆ្នាំ២០១០ ដែលគ្រោងឱ្យមានវាគ្មិនចំនួន១៨នាក់ គឺខ្មែរ ៦នាក់ ឥណ្ឌា៦នាក់ និងមន្ដ្រីមកពីបណ្ដា ប្រទេសអាស៊ីចំនួន៦នាក់ទៀត ហើយបើកសន្និសីទដោយឯកអគ្គរដ្ឋទូតឥណ្ឌា និងបិទ សន្និសីទដោយលោកឧបនាយករដ្ឋមន្ដ្រីសុខ អាន រដ្ឋមន្ដ្រីទទួលបន្ទុកទីស្ដីការគណៈរដ្ឋ មន្ដ្រី ។
តាមការគ្រោងទុកសន្និសីទនេះនឹងមានអ្នកចូលរួមចំនួនជាង១០០នាក់ ក្នុងនោះ ពីស្ថានទូតឥណ្ឌាចំនួន២៦នាក់ រាជបណ្ឌិត្យ សភាកម្ពុជា២០នាក់ ក្រសួងអប់រំ១០នាក់ ក្រសួងទេសចរណ៍១០នាក់ ក្រសួងធម្មការ និងសាសនា១០នាក់ ព្រះសង្ឃ៥០អង្គ គណៈ រដ្ឋមន្ដ្រី១០នាក់ និងនិស្សិតមកពីបណ្ដាសា កលវិទ្យាល័យនានាចំនួន៣០នាក់ទៀត ។សន្និសីទធ្វើឡើងក្នុងគោលបំណង៥យ៉ាង គឺទី១-ដើម្បីផ្សព្វផ្សាយព្រះពុទ្ធសាសនា នៅអាស៊ីអាគ្នេយ៍ ទី២-ផ្សព្វផ្សាយអំពីឥទ្ធិ ពលព្រះពុទ្ធសាសនាលើវប្បធម៌ និងសិល្បៈ ទី៣-វិភាគទានព្រះពុទ្ធសាសនាលើវិស័យ ពាណិជ្ជកម្ម ទី៤-តំលៃព្រះពុទ្ធសាសនានៅ ក្នុងសង្គមបច្ចុប្បន្ន និងទី៥-តួនាទីរបស់វិទ្យា ស្ថានពុទ្ធសាសនបណ្ឌិត្យ ៕
(ដកស្រង់ចេញពីគេហទំព័រ កាសែតកោះសន្តិភាព)
No comments:
Post a Comment