ការសិក្សាស្រាវជ្រាវអំពីសុវត្ថិភាពនៃការប្រើប្រាស់ទូរស័ព្ទនេះ បានរកឃើញថា មិនមានការជាប់ទាក់ទងពិតប្រាកដកដែលថាការប្រើប្រាស់ទូរស័ព្ទបង្កអោយមានជម្ងឺមហារីកខួរក្បាលនោះទេ ប៉ុន្តែ ក្រុមអ្នកសិក្សាស្រាវជ្រាវ បាននិយាយថាការសិក្សាបន្ថែមទៀតគួរតែត្រូវបានធ្វើឡើង។
លោក អេលីសាបេត កាឌីស ប្រធានក្រុមអ្នកស្រាវជ្រាវនេះ បាននិយាយប្រាប់ទីភ្នាក់ងារសារព័ត៌មានAFPថា“ ការសិក្សាស្រាវជ្រាវនេះមិនបង្ហាញអំពីគ្រោះថ្នាក់នៃការប្រើប្រាស់ទូរស័ព្ទដែលកំពុងកើនឡើងនោះទេ ប៉ុន្តែយើងមិនអាចសន្និដ្ឋានថាវាមិនមានគ្រោះថ្នាក់នោះដែរ ពីព្រោះមិនមានលទ្ធផលគ្រប់គ្រាន់នៃសិក្សានេះដែលបង្ហាញថា ការប្រើប្រាស់ទូរស័ព្ទទំនងជាប្រឈមគ្រោះថ្នាក់នៃជម្ងឺមហារីកខួរក្បាល។
លទ្ធផលនៃការសិក្សាស្រាវជ្រាវអស់រយៈពេលជាង១០ឆ្នាំនេះក្នុងប្រទេសចំនួន១៣ បានរកឃើញមានជម្ងឺដុះដុំសាច់(glioma) ចំនួន២.៧០៨ករណី និងជម្ងឺដុះដុំសាច់(meningioma) ចំនួន២.៤០៩ ។ លទ្ធផលនៃការសិក្សាស្រាវជ្រាវនេះនឹងត្រូវបានចុះផ្សាយនៅថ្ងៃអង្គារក្នុងទស្សនាវដ្តីសុខភាពឈ្មោះ International Journal ។
ការសិក្សានេះមិនបានរកឃើញកំណើននៃការប្រឈមពីការដុះដុំសាច់glioma និង ជម្ងឺដុះដុំសាច់meningiomaទេ បន្ទាប់ពីមានការប្រើប្រាស់ទូរស័ព្ទអស់រយៈពេល១០ឆ្នាំ ប៉ុន្តែ ការសិក្សានេះ បានរកឃើញថា អ្នកដែលប្រើប្រាស់ទូរស័ព្ទដ៏ញឹកញាប់ជាងគេបំផុត ប្រឈមកើតជម្ងឺនេះខ្ពស់ជាងគេ ពោលគីមាន៤០ភាគរយនៃជម្ងឺដុះដុំសាច់glioma និង ១៥ ភាគរយនៃជម្ងឺដុះដុំសាច់meningiomaជាងអ្នកប្រើតិចតួច។
(ដកស្រង់ចេញពីគេហទំព័រ ខេមបូឌាអេចបេ្រសញូស៏)
No comments:
Post a Comment