តាមវែបសាយសារព័ត៌ Xinhua របស់ចិនបានចេញផ្សាយថា អង្គការសហប្រជាជាតិបានចេញសេចក្តីប្រកាសមួយកាលពីថ្ងៃអង្គារ មិ្សលម៉ិញនេះថាខ្លួននឹងចាប់ផ្តើមដំណើរការគំរោងជំនួយជាថវិការ ៥លានដុល្លាសហរដ្ឋអាមេរិចដើម្បីកែលំអសុវត្ថិភាពស្បៀងអាហារនិងកាត់ បន្ថយករណីកង្វះអាហាររបស់កុមារ ស្ត្រីមានផ្ទៃពោះនិងស្ត្រីដែលកំពុងបំបៅដោះទារកនៅកម្ពុជា។កម្មវិធី នេះនឹងផ្តោតសំខាន់ទៅលើខេត្តចំនួន២គឺខេត្តស្វាយរៀងនិងខេត្ត កំពង់ស្ពឺ ដែលរៀបចំឡើងដោយកម្មវិធីស្បៀងអាហារពិភពលោក នេះបើយោងតាមការផ្សាយរបស់អង្គការ UNDP។
កម្មវិធីនេះត្រូវបាន គេគ្រោងនឹងងនុវត្តនៅចន្លោះឆ្នាំ២០១០និង២០១២ និងជាមានការសហការណ៍ពីរដ្ឋាភិបាលនិងភ្នាក់ងារអង្គការសហប្រជាជាតិនិង អង្គការដែលពាក់ព័ន្ធជាច្រើនទៀត។
លោក Douglas Broderick អ្នកសំរបសំរួលនៅក្នុងតំបន់របស់អង្គការសហប្រជាជាតិបានមានប្រសាសន៍ ថា "កម្មវិធីនេះគឺជាឱកាសតែមួយគត់សំរាប់រដ្ឋាភិបាលក្នុងការឆ្លើយតបនឹង បញ្ហាអសុវត្ថិភាពស្បៀងអាហារនិងកង្វះអាហារូបត្ថម្ភនៅកម្ពុជា ហើយនេះគឺជាការបោះជំហានរូមគ្នាមួយរវាងអង្គការសហប្រជាជាតិនៅកម្ពុជា។ "
កង្វះអាហារូបត្ថម្ភរបស់មាតានិងកុមារនៅប្រទេសកម្ពុជាគឺ ស្ថិតក្នុងកំរិតខ្ពស់នៅឡើយ។ ភាពក្រីក្រ, គ្មានស្បៀងគ្រប់គ្រាន់, គ្មានចំណេះដឹង, អាហារគ្មានជីវជាតិគឺជាមូលហេតុចំបងនៃភាព កង្វះអាហារូបត្ថម្ភរបស់មាតានិងកុមារនៅក្នុងប្រទេស។តាមរបាយការណ៍នៃ ស្ថិតិមួយកាលពីឆ្នាំ២០០៨បានបង្ហាញថា មានកុមារ៣៩.៥% ក្រោមអាយុ៥ឆ្នាំដែលត្រាំត្រែងនឹងភាពកង្វះអាហារូបត្ថម្ភ, ២៨.៨%មិនគ្រប់គីឡូ និង៨.៩% ទទួលរងការខ្វះខាតអាហារូបត្ថម្ភយ៉ាងធ្ងន់ធ្ងរ៕
(ដកស្រង់ចេញពីគេហទំព័រ នគរវត្ត)
No comments:
Post a Comment