ម៉ាស៊ីនឃោសនាកូរ៉េខាងត្បូងរាយការណ៍ កាលពីថ្ងៃទី៨ មិថុនា ថា កងទ័ពកូរ៉េខាងត្បូងបានដាក់រាយប្រដាប់បំពងសំលេងនៅ តាមបណ្ដោយព្រំដែនជាមួយកូរ៉េខាងជើង ដែលនោះជាវិធានការមួយប្រកាន់យកក្នុង ក្របខណ្ឌផ្សព្វផ្សាយការឃោសនាប្រឆាំង ក្រុងព្យុងយ៉ាង ។
យោងតាមទីភ្នាក់ងារព័ត៌មានកូរ៉េខាងត្បូង YONHAP ថា កងទ័ពកូរ៉េខាងត្បូង បានដាក់ពង្រាយប្រដាប់បំពងសំលេងនៅ តាមប៉ុស្ដិ៍យាមស្ថិតនៅជិតខ្សែបន្ទាត់កំរិត ព្រំដែនរបស់ប្រទេសទាំង២ ហើយគ្រោង ដាក់បន្ថែមច្រើនទៀតនាថ្ងៃទី៩ មិថុនា ។
ការសំរេចចិត្ដផ្សាយការឃោសនាឡើង វិញនេះ បន្ទាប់ពីផ្អាករយៈពេល៦ឆ្នាំត្រូវបាន ចាត់ទុកថា ជាវិធានការដាក់ទណ្ឌកម្មមួយ ប្រឆាំងនឹងក្រុងព្យុងយ៉ាង ដែលទទួលការ ចោទប្រកាន់ថា បាញ់គ្រាប់បែកបុកក្នុងទឹក កាលពីខែមីនាកន្លងមកនេះ បណ្ដាលឱ្យលិច នាវាចម្បាំងកូរ៉េខាងត្បូងមួយគ្រឿង និង ស្លាប់ទាហានម៉ារីន៤៦នាក់ ។ ក្រុងព្យុង យ៉ាងបានបដិសេធការចោទប្រកាន់ទាំងនេះ ហើយគំរាមថា នឹងបាញ់កំទេចប្រដាប់បំពង សម្លេងទាំងនោះ ៕
(ដកស្រង់ចេញពីគេហទំព័រ កាសែតកោះសន្តិភាព)
No comments:
Post a Comment