នាយក​រដ្ឋ​មន្ដ្រី​ខ្មែរ​អំពាវនាវ​ឲ្យ​មន្រ្តី​រាជការ​គោរព​បទ​បញ្ជា​ក្នុង​ការិយាល័យ

នាយករដ្ឋមន្រ្តីខ្មែរ លោកហ៊ុន សែន បានទទូចសុំឲ្យសមាជិករដ្ឋាភិបាលដែល​ទើប បញ្ចប់ការសិក្សាផ្នែករដ្ឋបាលគោរពបទបញ្ជាវិន័យក្នុង ការិយាល័យ។

ថ្លែងសុន្ទរកថា នៅក្នុងការប្រគល់សញ្ញាបត្រទៅឲ្យមន្រ្តីនិងសិក្ខាកាមចំនួន៣៤៣នាក់មកពីព្រឹទ្ធសភា លោក នាយករដ្ឋមន្រ្តី ហ៊ុនសែន មានប្រសាសន៍ថា វិន័យជាពិសេសស្វ័យវិន័យ ជាគន្លឹះដ៏សំខាន់ក្នុងការទទួលបានជោគជ័យនៅកន្លែងធ្វើការ។

លោកថ្លែងថា មន្រ្តីរដ្ឋាភិបាលត្រូវតែមានតួនាទីជាគំរូក្នុងការទៅដល់ការិយាល័យទាន់ម៉ោង។

កាសែតភ្នំពេញប៉ុស្តិ៍ រាយការណ៍ថា រដ្ឋាភិបាល បានចាត់ថាការរីកចម្រើននៅក្នុងធនធានមនុស្ស ជាអាទិភាពសម្រាប់អាណត្តិទី៤របស់ខ្លួន ដែលបានចាប់ផ្តើមពីឆ្នាំ២០០៨ និងផុតកំណត់នៅឆ្នាំ២០១៣ ៕

(ដកស្រង់ចេញពីគេហទំព័រ វិទ្យុអូស្រ្ដាលី​)