ភ្នំពេញ: ក្រុមបច្ចេកទេសព្រំដែននៃប្រទេសកម្ពុជា និងវៀតណាមបានសន្យាថានឹងបញ្ចប់ការបោះបង្គោលព្រំដែនតាមបណ្តោយព្រំដែនរួមរបស់ប្រទេសទាំងពីរនៅចុងឆ្នាំ២០១២ខាងមុខនេះតាមអ្វីដែលជាការព្រមព្រៀងពីមុនរបស់មេដឹកនាំកំពូលរបស់ពួកគេ។
កាលពីថ្ងៃទី៨មិថុនា មានកិច្ចប្រជុំពិសេសមួយនាទីក្រុងភ្នំពេញរវាងប្រធាននៃគណៈកម្មការចំរុះខាងបោះបង្គោលព្រំដែនរបស់ប្រទេសទាំងពីរកម្ពុជា-វៀតណាម។ ខាងកម្ពុជាមានលោកទេសរដ្ឋមន្ត្រីវ៉ាគឹមហុងទទួលការងារព្រំដែនជាប្រធានគណៈ ប្រតិភូ និងខាងវៀតណាមមានលោកហូ ស្វ៊ឹន សឺន អនុរដ្ឋមន្ត្រីការបរទេស ប្រធានគណៈកម្មការព្រំដែនជាតិ និងជាប្រធាននៃគណៈកម្មការរួមខាងបោះបង្គោលព្រំដែនវៀតណាម-កម្ពុជាជាប្រធានប្រតិភូ្។
ក្នុងកិច្ចប្រជុំនោះភាគីទាំងពីរបានត្រួតពិនិត្យឡើងវិញ និងពិភក្សាពីវិធានការបង្កើនល្បឿនការងារ។យោងតាមនោះ កិច្ចប្រជុំការងារមួយនឹងរៀបចំឡើងនៅទីក្រុងកាន់ថឺប្រទេសវៀតណាម នៅពាក់កណ្តាលខែកក្កដា ឆ្នាំ២០១០ ដើម្បីដាក់ចេញនូវបទ ពិសោធន៍ និងដើម្បីបញ្ចប់នូវនីតិវិធីបោះបង្គោលព្រំដែនផងដែរ។ប្រទេសទាំងពីរក៏បានយល់ព្រមបើកកិច្ចប្រជុំក្រុមការងារផែនទីនាចុងខែមិថុនាឆ្នាំ២០១០ខាងមុខ។ប្រធានទាំងពីរបានព្រមព្រៀងថាការប្រជុំបន្តរបស់ពួកខ្លួននឹងធ្វើនៅប្រទេសវៀត ណាមនាខែកញ្ញាឆ្នាំនេះ។
លោកនាយឧត្តមសេនីយ៍ ចាយ សាំងយុន រដ្ឋលេខាធិការក្រសួងការពារជាតិ បាន លើកឡើងក្នុងអំឡុងពេលទទួលជួបជាមួយនឹងគណៈប្រតិភូសមាគមអតីតយុទ្ធជនវៀតណាម កាលពីថ្ងៃទី១៤ ខែមីនា ឆ្នាំ២០១០ នៅក្រសួងការពារជាតិកម្ពុជា ក្នុងរាជ ធានីភ្នំពេញថា ការបោះបង្គោលកំណត់ព្រំដែនកម្ពុជា-វៀតណាម បានដំណើរការចាប់ តាំងពីឆ្នាំ២០០៦ មកទល់នឹងដំណាច់ឆ្នាំ២០០៩ គណៈកម្មការព្រំដែនចម្រុះប្រទេសទាំងពីរ បោះបង្គោលព្រំដែនបាន ១១១ បង្គោល ។ ក្នុងចម្ងាយព្រំដែនកម្ពុជា-វៀត ណាម ប្រវែង ១២៧០ គីឡូម៉ែត្រ ប្រទេសទាំងពីរត្រូវបោះបង្គោលព្រំដែនចំនួន ៣៧៥ បង្គោល ។
(ដកស្រង់ចេញពីគេហទំព័រ ខេមបូឌាអេចបេ្រសញូស៏)
No comments:
Post a Comment