ក្រុមអ្នកជំនាញនិយាយថា ការទទួលទានសាច់ច្រើន ជាពិសេសបើវាត្រូវបានចម្អិនឲ្យខ្លោច បង្កើនគ្រោះថ្នាក់នៃការកើតជំងឺមហារី ប្លោកនោម ។ ការសិក្សាស្រាវជ្រាវបង្ហាញថា ការចៀននិងអាំងរហូតដល់សាច់ខ្លោច អាចបង្កើនបាននូវសារធាតុគីមី ដែលបង្កើតឲ្យកើតជំងឺមហារីក ។ នៅក្នុងការសិក្សាស្រាវជ្រាវមួយឲ្យដឹងថា មនុស្សដែលអាហាររបស់ពួកគេ រួមមានទាំងសាច់ចម្អិនល្អដែរនោះ ទំនងជាអភិវឌ្ឍជំងឺមហារីកប្លោកនោមច្រើនជាង អ្នកដែលចូលចិត្តសាច់ឆៅរហូតដល់ទៅ២ដងឯណោះ ។ ការរកឃើកនៅក្នុងការសិក្សាស្រាវជ្រាវ ដែលផ្អែកលើមនុស្សជាង ១.៧០០នាក់នោះ ត្រូវបានគេបង្ហាញនៅឯសន្និសីទស្រាវជ្រាវ ពីជំងឺមហារីករបស់សហរដ្ឋអាមេរិកមួយ ។ ក្រុមស៊ើបអង្កេតនៅសកលវិទ្យាល័យបានរកឃើញថា គ្រោះថ្នាក់មានខ្ពស់បំផុត សម្រាប់អ្នកដែលទទួលទានសាច់ក្រហម ដែលចម្អិនឆ្អិនល្អ ដូចជាសាច់គោ សាច់ជ្រូកនិងសាច់ជ្រូកបីជាន់ជាដើម ។ ប៉ុន្តែសូម្បីតែសាច់មាន់និងត្រី នៅពេលគេចៀន ក៏បង្កើនកម្រិតនៃជំងឺមហារីកខ្ពស់ ។ ៣ប្រភេទសំខាន់ៗ នៃសារធាតុគីមីបង្កជំងឺមហារីក ដែលគេហៅរួមគ្នាថា ( HCAS ) បង្កើនគ្រោះថ្នាក់នៃជំងឺមហារីករហូតដល់ទៅ ជាង២ដងកន្លះ ។
ក្រុមអ្នកស្រាវជ្រាវទាំងនេះបានរកឃើញថា មនុស្សខ្លះទំនងជានឹងងាយរងគ្រោះថ្នាក់ ដោយជំងឺមហារីកពាក់ព័ន្ធនឹងចំណីអាហារនេះ ច្រើនជាងគេដោយសារតែហ្សែន ។ នៅក្នុងការសិក្សាស្រាវជាវ ដែលធ្វើឡើងអស់រយៈពេល១២ឆ្នាំមកនេះ ក្រុមអ្នកស្រាវជ្រាវទាំងនេះបានវិភាគ DNA នៃអ្នកដែលចូលរួមទាំងអស់ ដើម្បីរកមើលមូលភាពខុសប្លែកគ្នាណាមួយ នៅក្នុងរបៀបដែលបុគ្គលម្នាក់បំលែងសាច់ចម្អិន រួចទៅជាថាមពល ។ ការមានហ្សែនច្រើនជាងធម្មតា បានធ្វើឲ្យមនុស្សខ្លះអភិវឌ្ឍជំងឺមហារីក ប្លោកនោមជិត៥ដង នៅពេលពួកគេបានទទួលទានសាច់ក្រហមច្រើន ។
សាស្ត្រាចារ្យ ស៊ីហ្វឹង វូ អ្នកនិពន្ធឈានមុខគេ នៅក្នុងការសិក្សាស្រាវជ្រាវពីជំងឺមហារីកថា “ ការសិក្សាស្រាវជ្រាវនេះ បង្ហាញកាន់តែច្បាស់ពីទំនាក់ទំនងរវាង ចំណីអាហារនិងជំងឺមហារីក ។ លទ្ធផលទាំងនេះគាំទ្រយ៉ាងខ្លាំងចំពោះអ្វីដែលយើងបានរំពឹងទុក នោះគឺអ្នកដែលទទួលទានសាច់ក្រហមច្រើន ជាពិសេសសាច់ក្រហមដែលចម្អិនឆ្អិនល្អ ដូចជាចៀនឬអាំងនោះ ទំនងជាមានលទ្ធភាពខ្ពស់នៃការកើតជំងឺមហារីក ” ។ យោងតាមវិទ្យាស្ថានមហារីកជាតិ នៅក្នុងសហរដ្ឋអាមេរិកបានឲ្យដឹងថា ក្រុមអ្នកជំនាញបានបញ្ជាក់អត្តសញ្ញាណសារធាតុគីមី HCAS ចំនួន១៧ផ្សេងគ្នា ដែលអាចបង្កជំងឺមហារីកដល់មនុស្ស ៕
(ដកស្រង់ចេញពីគេហទំព័រ ខេមបូឌាអេចបេ្រសញូស៍)
No comments:
Post a Comment