ភ្នំពេញ: លោកអភិបាលរាជធានីភ្នំពេញបានឱ្យផ្នែកជំនាញសាលារាជធានីភ្នំពេញធ្វើការកែ លំអបង្គន់អនាមយ័ដែលស្ថិតនៅសួនច្បារវាលហង្សខាងត្បូងព្រះបរមរាជវាំងឲ្យក្លាយទៅជាការិយាល័យប៉ូលីសទេសចរណ៍និងសន្តិសុខការពារសួនកុមារថ្មីវិញដែលគ្រោងធ្វើនៅជាប់សួនច្បារមុខវត្តបុទុមវត្តីនាពេលខាងមុខ។
មន្ត្រីជំនាញសាលារាជធានីភ្នំពេញបានប្រាប់អ្នកកាសែតថាគំរោងប្តូរសំណង់បង្គន់អនាម័យទំនើបទៅជាការិយាល័យប៉ូលីសទេសចរណ៍និងសន្តិសុខយាមការពារសួនកុមារនេះបានរៀបចំរួចហើយរង់ចាំតែផ្នែកថវិកាផ្នែកជំនាញនឹងចាប់ដំណើរការសាងសង់ភ្លាម។បើយោងតាមគំរោងការរៀបចំការិយាល័យខាងលើនេះនឹងដំណើរការក្នុងពេលឆាប់ៗដើម្បីឱ្យបានទាន់ការស្ថាបនាសួនកុមារថ្មី។
មន្ត្រីដដែលនេះបានបន្តថាសំណង់ការិយាល័យខាងលើនេះធ្វើជាបេតុងហើយប្រក់ក្បឿងតាមរចនាបថនៅជុំវិញព្រះបរមរាជវាំងនិងតំបន់ជុំវិញនោះ។
បច្ចុប្បន្នតំបន់មុខវត្តបុទុមវត្តីមានភ្ញៀវទេសចរណ៍ជាតិនិងអន្តរជាតិកំសាន្តទាំងយប់ទាំងថ្ងៃដូច្នេះក៏ត្រូវតែមានសន្តិសុខការពាររក្សាសន្តិសុខឱ្យបានល្អហើយក៏ត្រូវមានការិយាល័យមួយស្នាក់នៅបំពេញការងារសមរម្យផងដែរ។
(ដកស្រង់ចេញពីគេហទំព័រ ខេមបូឌាអេចបេ្រសញូ)
No comments:
Post a Comment