ខេត្ដបាត់ដំបង ៖ លំនៅឋាន និងផល ដំណាំរបស់ប្រជាពលរដ្ឋបានរងការបំផ្លាញ ដោយខ្យល់ព្យុះ និងកួចមិនឈប់ឈរនាដើម រដូវវស្សាឆ្នាំនេះ ជាក់ស្ដែង ខ្យល់កួចយ៉ាង គំហុកបានបោកបក់បំផ្លាញលំនៅឋានរាប់ សិបខ្នងទៀតកាលពីរសៀលថ្ងៃទី៦ មិថុនា នៅភូមិក្រួស ឃុំអន្លង់រុន ស្រុកថ្មគោល ។ លោកស៊ាង រ៉ាស៊ិញ អធិការរងប៉ូលិស ស្រុកថ្ម គោលបានប្រាប់ឱ្យដឹងថា លំនៅឋាន របស់ពលរដ្ឋស្ទើរតែមួយភូមិក្រួសត្រូវរងការបំផ្លាញដោយខ្យល់កួចដ៏កំណាចនេះតែមួយ ប៉ប្រិចភ្នែកប៉ុណ្ណោះ បន្ទាប់ពីមានភ្លៀងធ្លាក់ វាបានបំផ្លាញលំនៅឋានអ្នកស្រុកសរុប៣២ ខ្នង ក្នុងនោះមាន៦ខ្នងរងការខូចខាតទាំង ស្រុង ដែលមានរោងម៉ាស៊ីនកិនស្រូវធំមួយ ផង បានរលំរបើកជើងទម្រតែម្ដង ចំណែក ផលដំណាំបានខូចខាតដោយអន្លើ ប៉ុន្ដែគ្មាន គ្រោះថ្នាក់មនុស្ស ឬសត្វនោះទេ ។(ដកស្រង់ចេញពីគេហទំព័រ កាសែតកោះសន្តិភាព)
No comments:
Post a Comment