កណ្តាល៖ ស្ពានព្រែកក្តាមត្រូវបានសម្ពោធជាផ្លូវការនៅព្រឹកថ្ងៃទី៣១ ខែឧសភា នេះ ក្រោមអធិបតីភាពសម្តេចតេជោ ហ៊ុន សែន នាយករដ្ឋមន្ត្រីកម្ពុជា និងលោកឯកអគ្គរដ្ឋទូតចិនប្រចាំកម្ពុជា ។ការសម្ពោធ ស្ពានព្រែកក្តាមនេះ ជាស្ពានទី២ហើយ ដែលឆ្លងកាត់ទន្លេសាប បន្ទាប់ពីស្ពានជ្រោយចង្វា ។ នៅមិនយូរប៉ុន្មានស្ពានមួយទៀតគឺស្ពានព្រែកព្នៅក៏នឹងសម្ពោធដាក់ឱ្យ ប្រើដែរ ។
សម្តេចហ៊ុន សែន បានសំដែងការសាទរ និងកោតសរសើរចំពោះជំនួយរបស់ប្រទេសចិនថា បានរួមចំណែកជួយអភិវឌ្ឍន៍ប្រទេសកម្ពុជា ពិសេសលើ វិសយ័ហេដ្ឋារចនាសម្ព័ន្ធផ្លូវ ស្ពាន ធារាសាស្ត្រ ក្រោមជំនួយឥតសំណង ជំនួយសម្បទានការប្រាក់ទាប ៘
លោក ត្រាំ អ៊ីវតឹក រដ្ឋមន្ត្រីក្រសួងសាធារណការនិងដឹកជញ្ជូន បាននិយាយថា ស្ពាននេះស្ថិតនៅត្រង់កំពង់ចំលងព្រែកក្តាម នៅតាមបណ្តោយផ្លូវជាតិលេខ៥ ចម្ងាយ៣១ គ.មពីភ្នំពេញ ។ ទីតាំងត្រើយខាងលិចស្ថិតក្នុងភូមិទួលងោក ឃុំកំពង់លួង ស្រុកពញាឮ ខេត្តកណ្តាល និងត្រើយខាងកើតភូមិព្រែកក្តាម ឃុំកោះចិន ស្រុកពញាឮ ខេត្តកណ្តាល។ កំពង់ចំលងព្រែកក្តាម ស្ថិតលើដង ទន្លេសាប ។ ស្ពាននេះបានបើកការដ្ឋានកាលពីថ្ងៃទី ១១ ខែមិថុនា ឆ្នាំ ២០០៧ ក្រោមអធិបតិភាពដ៏ខ្ពង់ខ្ពស់សម្តេច តេជោនាយករដ្ឋ មន្ត្រី ហ៊ុន សែន និងលោកជំទាវ យ៉ាង យីហ្វេង ឯកអគ្គរដ្ឋទូតចិន។ពិធីភ្ជាប់រនូតស្ពាននៅថ្ងៃទី១៤ ខែកញ្ញា ឆ្នាំ២០០៩ និងសាងសង់ចប់ជាស្ថាពរ ១០០% ក្នុងដើមខែមេសា ឆ្នាំ ២០១០ ។ ថវិកាសាងសង់គឺជាកម្ចីប្រាក់សម្បទានរយៈពេលវែងការប្រាក់ទាប ដោយមានថវិកាបដិភាគរបស់រាជរដ្ឋាភិបាល។
ស្ពាននេះមានបណ្តោយ ៩៧៥ម៉ែត្រ ទទឹង ១៣,៥០ម៉ែត្រ ,កំពស់ ស្ពានពីលើទឹកខ្ពស់ បំផុត១០ ម៉ែត្រ,ប្រឡោះកណ្តាលរបស់ស្ពាន ១៣៥ម៉ែត្រ ។ តំលៃស្ពាន ២៨.៨លានដុល្លារ ក្នុងនោះបដិភាគរាជរដ្ឋាភិបាល ៥ភាគ ៕
(ដកស្រង់ពីគេហទំព័រ ខេមបូឌាអេចបេ្រសញូស៏)
No comments:
Post a Comment