អ្នក​ផ្តល់​ជំនួយ ស្វែងរក​ការ​ពិត​លើ​ទេសចរណ៍​តំបន់​ដី​សណ្ដក​ទន្លេ​មេគង្គ

ក្រុម​អគ្គរដ្ឋទូត និង​បុគ្គលិក​នៃភ្នាក់ងារ​​​ផ្តល់​ជំនួយ មាន​គម្រោង​នឹង​មក​ធ្វើ​​ទស្សនកិច្ច​នៅ​ប្រទេស​​កម្ពុជា​​ និង​ទីក្រុង Can Tho ព្រមទាំង​ខេត្ត An Giang​ ប្រទេស​វៀតណាម នា​ថ្ងៃ៦ ដល់​ថ្ងៃ៨ មិថុនា ២០១០​​ នេះ​។​

ការសិក្សា​លក្ខណៈ​​បែប​ដំណើរ​ទេសចរណ៍​នេះ ធ្វើ​ឡើង​ដើម្បី​ជួយ​ផ្សព្វផ្សាយ​ពី​ទំនាក់ទំនង​រីក​​ចំរើន​ និង​​ឱកាស​អភិវឌ្ឍន៍​ និង​ការប្រកួត​ប្រជែង​​ក្នុង​តំបន់​ដី​សណ្ដក​ទន្លេ​មេគង្គ​​​កណ្តាល និង​ភាគ​ខាង​ត្បូង​ ព្រមទាំង​ការ​ទំនាក់ទំនង​ជា​មួ​យ​នឹង​ប្រទេស​កម្ពុជា។​

ដំណើរ​ទេសចរណ៍​នេះ បង្កើត​ឡើង​ជាពិសេស​នៅ​ពាក់​កណ្តាល​កិច្ច​ប្រជុំ​នៃ​ក្រុម​អ្នក​ផ្ដល់​ការប្រឹក្សា ដែល​នឹង​ប្រារព្ធ​ធ្វើ​ឡើង​នៅ Rach Gia ខេត្ត​ Kien Giang ​ប្រទេស​វៀតណាម នា​ថ្ងៃ​៩​ ដល់​ថ្ងៃ​១០ មិថុនា។​ ដំណើរ​ទេសចរណ៍​​នេះ​ចូលរួម​រៀប​ចំ​ឡើង​ដោយ​ ក្រសួង​ដឹកជញ្ជូន​វៀតណាម​ ធនាគារ​អភិវឌ្ឍន៍​អាស៊ី ស្ថានទូត​អូស្ត្រាលី​ និង​​ធនាគារ​កូរ៉េ​ Eximbank​​។

រដ្ឋាភិបាល​អូស្ត្រាលី ធនាគារ​កូរ៉េ​ Eximbank ​និង ​ធនាគារ​អភិវឌ្ឍន៍​អាស៊ី កំពុង​ផ្តល់​នូវ​ជំនួយ​ហិរញ្ញវត្ថុ លើ​គម្រោង​តំបន់​ឆ្នេរ​ខាង​ត្បូង​នៃ​អនុ​តំបន់​ទន្លេ​មេគង្គ​ ចាប់​តាំង​ពី​ឆ្នាំ​២០០៦​ មក​ម្ល៉េះ​ ក្នុង​ទិសដៅ​​គាំទ្រ​សេដ្ឋកិច្ច​តំបន់​ទន្លេ​មេគង្គ​ខាងត្បូង​ ដោយ​ធ្វើការ​ពង្រឹង​​ទំនាក់ទំនង​ជាមួយ​ប្រទេស​ជិតខាង​ និង​បង្កើត​សកម្មភាព​ប្រកួត​ប្រជែង​​។

អ្នក​ផ្ដល់​​ជំនួយ​​កំពុង​ធ្វើ​ការ​ត្រួតពិនិត្យ​លើ​ភាព​ដែល​អាច​ធ្វើ​ទៅ​បាន​ ដើម្បី​បង្កើន​ទំនាក់ទំនង​តំបន់​ដីសណ្ដក​ទន្លេមេគង្គ​កណ្តាល​ និង​ភាគ​ខាង​ត្បូង​៕

(ដកស្រង់ចេញពីគេហទំព័រ នគរវត្ត)