ល្ងាចថ្ងៃទី៤ មិថុនា ពេលរាត្រីកាលមក ដល់នៅឧទ្យានវិកតូរៀ មនុស្សជាច្រើនសិបពាន់នាក់ដែលកាន់ភ្លើងទៀនបានប្រមូលផ្ដុំគ្នារំលឹកដល់ថ្ងៃបង្ក្រាបបាតុកម្មប្រកបដោយការបង្ហូរឈាមនៅទីលានធៀនអានមេន ដែលពិធីបែបនេះប្រារឰក្នុងមួយឆ្នាំម្ដង ។ ក្នុងភាពស្ងៀមស្ងាត់បែបសាសនាគេបាននាំគ្នាអង្គុយបន្ទាប់មកតាមរយៈប្រដាប់បំពងសំលេងគេបានផ្សាយសារមួយរបស់ចលនាបណ្ដាអ្នកម្ដាយនៃធៀនអានមេន ។ គេក៏បានប្រកាសដែរ ពីការផ្សាយតាមអ៊ីនធើរណេតនូវសៀវភៅមួយមានបំណងជើងថា “ចូលយើងកុំភ្លេច” ជាសៀវភៅចងក្រងដោយបណ្ដាអ្នកកាសែតដែលមានវត្ដមាននៅធៀនអានមេន នាយប់ថ្ងៃទី៣ ទៅ៤ មិថុនា ។ ពួក អ្នករៀបចំអះអាងថា ក្នុងបាតុកម្មនេះមានមនុស្សចូលរួមដល់ទៅ១៥០.០០០នាក់ ខណៈដែលប៉ូលិសប៉ាន់ប្រមាណថាមាន១១៣.០០០នាក់ ។ ចំនួននេះគឺប្រហាក់ប្រហែលគ្នានឹងកាលពីឆ្នាំទៅមិញ ។ក្រុងហុងកុងជាកន្លែងតែមួយគត់នៃប្រទេសចិនដែលខួបនៃការសម្លាប់រង្គាលនៅធៀនអានមេន ត្រូវបានបើកឱ្យធ្វើ និងដោយស្របច្បាប់ទៀត ។ ទោះបីជាក្រុងហុងកុងត្រូវបានប្រគល់ឱ្យចិនវិញកាលពីឆ្នាំ១៩៩៧ ក្ដីក៏ពុំអាចកាត់ផ្ដាច់មិនឱ្យមានបាតុកម្មនេះដែរ ហើយវាក្លាយជាទំលាប់រៀងរាល់ឆ្នាំ ៕
(ដកស្រង់ចេញពីគេហទំព័រ កាសែតកោះសន្តិភាព)
No comments:
Post a Comment