ខេត្ដកំពង់ចាម ៖ ផ្ទះលក់គ្រឿងទេស មួយមានទំហំ៧ម៉ែត្រគុណ១៣ម៉ែត្រ សង់ អំពីឈើលើថ្មក្រោមត្រូវព្រះអគ្គីលេបត្របាក់អស់ទាំងស្រុង ដែលម្ចាស់ផ្ទះអះអាងថា អស់ ប្រមាណជាង៣ម៉ឺនដុល្លារ ។ អគ្គីភ័យនេះបានកើតឡើងកាលពីវេលា ម៉ោង៣និង៣០នាទីរសៀល ថ្ងៃទី៨ មិថុនា នៅក្នុងភូមិទួលទ្រាត្បូង ឃុំជប់ ស្រុកត្បូងឃ្មុំ និងបានបង្កឱ្យមានការភ្ញាក់ផ្អើល ដោយមាន រថយន្ដពន្លត់អគ្គីភ័យ១គ្រឿង របស់ស្នងការ ដ្ឋានខេត្ដចេញជួយអន្ដរាគមន៍បាញ់ទឹកពន្លត់មិនឱ្យឆេះរាលដាលដល់ផ្ទះផ្សេងៗទៀត ឡើយ ។តែទោះបីជាយ៉ាងណាក្ដី ទ្រព្យសម្បត្ដិ ត្រូវព្រះអគ្គីលេបត្របាក់ស្ទើរតែទាំងអស់ ហើយម្ចាស់ផ្ទះសល់តែខោអាវមួយសំរាប់ ជាប់នឹងខ្លួន ក្រោមការស្រែកទ្រហោយំតែ ប៉ុណ្ណោះ។ តាមការរៀបរាប់ពីបុរសឈ្មោះប៉ូ នី អាយុ៤៨ឆ្នាំ រស់នៅជិតខាងឱ្យដឹងថា ប្រពន្ធ របស់គាត់បានចុះពីលើផ្ទះដើរសំដៅមកខាងមុខផ្ទះមើលទៅលើ ស្រាប់តែឃើញមានភ្លើង ឆាបឆេះចេញពីផ្នែកកណ្ដាលនៃផ្ទះលក់ គ្រឿងទេស ដែលស្ថិតនៅខាងត្បូងផ្ទះរបស់ គាត់ ជាអណ្ដាតភ្លើងឡើងក្រហមច្រាល ផ្សែងហុយទៅលើអាកាសតែម្ដង ។
អ្នកជិតខាងរូបនេះបានប្រាប់បន្ដថា ខណៈ ពេលឃើញភ្លើងឆេះបែបនេះ ក៏បានស្រែក ឡើងឱ្យអ្នកស្រុកជួយ ហើយភ្លាមនោះគាត់ ប្រញាប់ចុះពីលើផ្ទះទាញទុយោទឹកដាក់ ម៉ាស៊ីនបញ្ឆេះបូមពីក្នុងអណ្ដូងក្រោយផ្ទះមកជួយបាញ់ស្រោចលើជញ្ជាំងឱ្យសើមជោករួមជាមួយអ្នកភូមិរាប់សិបនាក់ បានជួយគាស់ ក្ដារជញ្ជាំងដើម្បីចៀសវាងកុំឱ្យភ្លើងឆេះបន្ដ រាលដាលទៅដល់ផ្ទះផ្សេងៗ ។ អំណាចភ្លើង ឆេះប្រមាណជា១៥នាទីប៉ុណ្ណោះ បានលេប ត្របាក់ផ្ទះលក់គ្រឿងទេសនោះអស់រលីងតែម្ដង។ លោកសួស ណាត អាយុ៥៧ឆ្នាំ ជាបង ប្អូនម្ចាស់ផ្ទះរងគ្រោះបានប្រាប់ថា ដំបូងភ្លើង បានឆាបឆេះចេញមកពីជាន់ខាងលើ សង្ស័យ មកពីទុស្សេខ្សែភ្លើង។ ពេលភ្លើងមិនទាន់ឆេះ សន្ធោសន្ធៅខ្លាំង បងប្អូនអ្នកភូមិបាននាំគ្នា មកជួយសែងយករបស់របរបានប្រមាណ២០ភាគរយប៉ុណ្ណោះ ។ដោយសារកំដៅភ្លើងក្ដៅ ពេកមិនអាចឱ្យចូលទៅជួយបានទៀតទេ ។ ភ្លើងបានឆាបឆេះស្ទើរតែអស់ទៅហើយ បន្ទាប់មកទើបឃើញរថយន្ដពន្លត់អគ្គីភ័យ របស់ប៉ូលិសមកដល់ជួយបាញ់ទឹកពន្លត់ ដែល ការយឺតយ៉ាវនេះព្រោះតែផ្លូវឆ្ងាយ ។ ស្ដ្រីឈ្មោះសាង រតនា អាយុ៤៣ឆ្នាំ ជា ម្ចាស់ផ្ទះលក់គ្រឿងទេសបានរៀបរាប់ទាំង បង្ហូរទឹកភ្នែកថា ផ្ទះរបស់គាត់មានទំហំ៧ ម៉ែត្រគុណ១៣ម៉ែត្រ សាងសង់អំពីឈើខាង លើ ឯខាងក្រោមចាក់បេតុង។ នាវេលាម៉ោង ខាងលើ ខណៈពេលកំពុងតែនៅក្រៅផ្ទះ ជាន់ ក្រោម ដោយមានគេដឹកអីវ៉ាន់មកទំលាក់ ដាក់ឱ្យ ស្រាប់តែមានអ្នកជិតខាងបានស្រែក ឡើងថា ភ្លើងឆេះផ្ទះៗ! ។
លុះពេលងាកមក ក្នុងផ្ទះ អណ្ដាតភ្លើងបានឆេះយ៉ាងខ្លាំងណាស់ ទៅហើយ មិនអាចចូលទៅយករបស់ទ្រព្យ សំខាន់ៗបានទេ គឺបានត្រឹមតែស្រែកយំ ប៉ុណ្ណោះ ។លោកម៉ៅ ណារី ប៉ូលិសប៉ុស្ដិ៍រដ្ឋបាលឃុំ ជប់ បានបញ្ជាក់ថា គ្រោះអគ្គីភ័យខាងលើ នេះ ពិតជាបណ្ដាលមកពីទុស្សេខ្សែភ្លើង ប្រាកដមែន មិនបានឆេះរាលដាលទៅដល់ផ្ទះ របស់អ្នកជិតខាងទេ ព្រោះតែប្រជាពលរដ្ឋ បានសស្រាក់សស្រាំនាំគ្នាជួយអន្ដរាគមន៍ទាន់ ពេលវេលា ។ ចំពោះទ្រព្យសម្បត្ដិដែលបាន បាត់បង់ក្លាយជាចំណីភ្លើង ត្រូវម្ចាស់ផ្ទះរៀប រាប់ថា សរុបប្រមាណជាង៣០.០០០ដុល្លារ ។(ដកស្រង់ចេញពីគេហទំព័រ កាសែតកោះសន្តិភាព)
No comments:
Post a Comment