ការមានអារម្មណ៍ស្រស់ថ្លា និងមានទស្សនៈល្អៗនៅក្នុងខ្លួន គឺជាផ្នែកមួយដែលធ្វើឱ្យមានអាយុវែង ។ ខាងក្រោមនេះ គឺជាវិធីសាស្ដ្រមួយចំនួនដែលជួយឱ្យមនុស្សមានអាយុវែងៈ
-ការសំរាកលំហែកាយៈ ក្នុងមួយថ្ងៃលោកអ្នកអាចរកពេលទំនេរពី១០-១៥នាទីអង្គុយឱ្យស្ងប់ស្ងៀម ហើយគួរចូលដំណេកតាំងពីក្បាលព្រលប់ និងគេងឱ្យលក់ក្នុងមួយយប់៧ម៉ោង ។
-មិនគួរបរិភោគឱ្យឆ្អែតហួសកំរិតកំណត់ៈ ត្រូវកាត់បន្ថយការទទួលទានម្ហូបអាហារ បង្អែម រួមទាំងមុខម្ហូបមានជាតិខ្លាញ់ និងផ្ដល់ថាមពលខ្ពស់ ។
-ហាត់ប្រាណដោយការដើរៈ លោកអ្នកត្រូវចំណាយពេលយ៉ាងហោចណាស់៤៥នាទីក្នុងមួយថ្ងៃ ប៉ុន្ដែបើមានអាយុកាន់តែច្រើនត្រូវហាត់ប្រាណឱ្យបានសមស្របតាមរាងកាយដូចជាការអង្គុយតាំងសមាធិ និងយោគៈជាដើម ។
-ចៀសវាងការជក់បារី និងពិសាគ្រឿងស្រវឹងៈ ការជក់បារី និងទទួលទានគ្រឿងស្រវឹងអាចធ្វើឱ្យប៉ះពាល់ដល់សុខភាពរាងកាយ ។
-ការគ្រប់គ្រងទំងន់ៈ ការមានទំងន់ធ្ងន់ និងបង្កើននូវភាពប្រថុយប្រថានដល់សុខភាព ដូចជាកើតជំងឺបេះដូង លើសឈាម និង មហារីកនៅតាមអវយវៈផ្សេងៗនៅលើរាងកាយ ។
-កាត់បន្ថយភាពតានតឹងៈ ការមានសភាពតានតឹងនៅក្នុងអារម្មណ៍អាចធ្វើឱ្យ មនុស្សមានអារម្មណ៍ឆេវឆាវ និងកើតមានអំពើហិង្សាក្នុងក្រុមគ្រួសារ ។
-មានគំនិតក្នុងទស្សនៈវិជ្ជមានៈ គំនិតបែបនេះ ស័ក្ដិសមនឹងអារម្មណ៍ដែលមានសភាពស្រស់ថ្លា និងសំលឹងសង្គមក្នុងទស្សនៈល្អ ។
មានសទ្ធាជ្រះថ្លាៈ ប្រសិនបើលោកអ្នកមានកំលាំងចិត្ដជ្រះថ្លានិងក្លាហាន គឺអាចយកឈ្នះលើឧបសគ្គផ្សេងៗបាន ។
-ត្រូវចេះសើចកំសាន្ដៈ ការមានអារម្មណ៍សើចកំសាន្ដក្នុងមួយថ្ងៃបន្ដិចបន្ដួច អាចធ្វើឱ្យសាច់ដុំមានសភាពធូរស្បើយ និងមានសមភាពនៃសេចក្ដីសុខ ៕
(ដកស្រង់ចេញពីគេហទំព័រ កាសែតកោះសន្តិភាព)
No comments:
Post a Comment