ក្រុមអ្នកវិទ្យាសាស្ត្រអះអាងថា ការទទួលទានសាច់ជ្រូកបីជាន់២បន្ទះ ឬសាច់ក្រកមួយដុំរៀងរាល់ថ្ងៃ អាចបង្កើនអត្រារោគបេះដូង ជិតពាក់កណ្តាល ។ ការសិក្សារបស់ពួកគេបានរកឃើញថា សាច់ដែលត្រូវបានឆ្អើ ប្រឡាក់អំបិល ឬកែច្នៃតាមរបៀបផ្សេង ក៏អាចបង្កើតការកើតមានជំងឺទឹកនោមផ្អែមផងដែរ ។ ការសិក្សានេះបានភ្ជាប់អំបិលនិងសារធាតុគីមី ដែលធ្វើឲ្យទុកបានយូរ ដែលគេប្រើលើសាច់កែច្នៃ ទៅនឹងបញ្ហាសុខភាព ប្រសិនបើផលិតផលទាំងនោះ ត្រូវបានទទួលទានជាប្រចាំ ។
ជំងឺមហារីកពោះវៀន និងមហារីកដោះ ពីមុនត្រូវបានគេភ្ជាប់ទៅនឹង ទៅនឹងការទទួលទានសាច់ហែម ( សាច់ភ្លៅក្រោយ ) និងសាច់បីជាន់ច្រើនពេក ។ ការសិក្សានេះបានរកឃើញថា សាច់ក្រហមដែលមិនត្រូវបានកែច្នៃដូចជា សាច់គោ សាច់ជ្រូកធម្មតា ឬសាច់ចៀម មិនបង្កើតអត្រាកើតជំងឺទាំងនេះទេ ។ ការស្រាវជ្រាវដោយ Harvard School of Public Health នៅសហរដ្ឋអាមេរិក បានវិភាគទម្លាប់ទទួលទានសាច់ របស់មនុស្សជាងមួយលាននាក់ ។
ការស្រាវជ្រាវនេះបានសន្និដ្ឋានថា អ្នកដែលទទួលទានសាច់កែច្នៃ ក្នុងបរិមាណច្រើនមានអត្រាកើតជំងឺបេះដូង និងទឹកនោមផ្អែមប្រភេទ២ ក្នុងកម្រិតខ្ពស់ ។ ការពិនិត្យមើលឡើងវិញ លើការសិក្សាតាមបែបវិទ្យាសាស្ត្រ២០លើក បានរកឃើញថា ជាមធ្យមមានអត្រាកើតជំងឺបេះដូងកើនឡើង ៤២ភាគរយ និងអត្រាកើតជំងឺទឹកនោមផ្អែមប្រភេទ២ ខ្ពស់រហូតដល់១៩ភាគរយ សម្រាប់មនស្សភាគច្រើន ដែលទទួលទានសាច់កឈច្នៃ ៥០g រៀងរាល់ថ្ងៃ ។
បរិមាណ ៥០g គឺប្រហែលស្មើនឹងសាច់ជ្រូកបីជាន់២បន្ទះ ឬសាច់ក្រមមួយដុំ ។ អ្នកឯកទេសអះអាងថា វាមិនមែនដោយសារសាច់តែមួយមុខទេ ដែលមិនល្អចំពោះសុខភាពនោះ ប៉ុន្តែអំបិលនិងសារធាតុគីមី ដែលធ្វើឲ្យទុកបានយូរ ដែលគេប្រើនៅក្នុងដំណើរការ ធ្វើឲ្យទុកបានយូរផងដែរ ៕
(ដកស្រង់ចេញពីគេហទំព័រ ខេមបូឌាអេចបេ្រសញូស៏)
No comments:
Post a Comment