ក្រុមអ្នកស្រាវជ្រាវនៅអង់គ្លេស និងអ៊ីតាលីបានព្រមានថា ការទទួលទានដំណេកតិចជាង៦ម៉ោងក្នុងមួយប់ អាចបណ្តាលឲ្យស្លាប់មុនអាយុ ។ ក្រុមអ្នកស្រាវជ្រាវបាននិយាយថា ជាធម្មតាអ្នកដែលទទួលទានដំណេក បានបន្តិចបន្តួចទំនងជាមានអត្រាស្លាប់ច្រើនទៅដល់ ១២ភាគរយ នៅក្នុងរយៈពេល២៥ឆ្នាំ ឬរយៈពេលតិចជាងនេះ ជាងអ្នកដែលទទួលទានដំណេកបានពី៦ទៅ៨ម៉ោង ។
ពួកគេក៏រកឃើញផងដែរ ពីទំនាក់ទំនងរវាងការទទួលទានដំនេកច្រើនជាង ៩ម៉ោងនិងការស្លាប់មុនអាយុ បើទោះណាការទទួលទានដំនេកច្រើនពេក អាចគ្រាន់តែជាសញ្ញានៃសុខភាពចុះខ្សោយក៏ដោយ ។ ទិនានុប្បវត្តិឈ្មោះ “ Sleep ” រាយការណ៍ពីការរកឃើញ ដែលផ្អែកលើមនុស្ស១,៥លាននាក់ នៅក្នុងការសិក្សាចំនួន១៦ ។
ការសិក្សាតាមដានទៅលើ ទំនាក់ទំនងរវាងការទទួលទានដំណេក និងអត្រាស្លាប់ដោយពិនិត្យមើលឡើងវិញ លើការសិក្សាដែលបានមកពីអង់គ្លេស អាមេរិក អឺរ៉ុប និងបណ្តាប្រទេសអាស៊ីខាងកើត ។ ការស្លាប់មុនអាយុ ដែលបណ្តាលមកពីមូលហេតុទាំងអស់នេះ គឺមានទំនាក់ទំនងចំពោះ ការទទួលទានដំណេកតិចពេក ឬក៏ច្រើនពេក ក្រៅពីរយៈពេលល្អប្រើសើរពី៦ទៅ៨ម៉ោងក្នុងមួយយប់ ។
ក្រុមអ្នកស្រាវជ្រាវនៅអង់គ្លេសនិងអ៊ីតាលីជឿថា ប៉ុន្តែខណៈដែលការទទួលទានដំណេកមិនគ្រប់គ្រាន់ អាចជាមូលហេតុដោយផ្ទាល់ នៃការចុះខ្សោយសុខភាព ហើយនៅទីបំផុតឈានទៅរកការស្លាប់មុនអាយុនោះ ការទទួលទានដំណេកច្រើនពេក ក៏ប្រហែលជាសញ្ញានៃការចុះច្សោយសុខភាពរួចទៅហើយដែរ ៕
(ដកស្រង់ចេញពីគេហទំព័រ ខេមបូឌាអេចបេ្រសញូស៏)
No comments:
Post a Comment